web counter
LEXO PA REKLAMA!

SHKARKO APP

App Store
Google Play

“Terrorizoi” Shkodrën me të shtëna armësh/ Vihet në pranga i rrezikshmi

25 Tetor 2023, 21:38, Kronika CNA

“Terrorizoi” Shkodrën me të shtëna armësh/ Vihet

Policia e Shkodrës pas kontrolleve ka vënë në pranga shtetasin Balil Murataj, 43-vjeç.

Mësohet se 43-vjeçari terrorizoi zonën e Bardhajve në njësinë Rrethina gjatë pasditës së sotme.

Në ecje e sipër me automjetin e tij, ai ka qëlluar në ajër me armë zjarri disa herë.

Pas sinjalizimeve nga banorët, policia bëri të mundur arrestimin e tij.

"Qëllonte me armë zjarri, në ajër, duke terrorizuar banorët e zonës, falë reagimit në kohë të Policisë, kapet dhe vihet në pranga 43-vjeçari.

Në ndihmë të Policisë vendore shkuan edhe 2 grupe të RENEA-s dhe të FNSh Shkodër.

Policia gjeti dhe sekuestroi në cilësinë e provës materiale, armën e zjarrit kalashnikov dhe municion luftarak.

Shërbimet e Komisariatit të Policisë Shkodër, pas marrjes së njoftimit se në fshatin Bardhaj ishin dëgjuar të shtëna me armë zjarri, kanë shkuar menjëherë në adresën e dhënë, bashkë me shërbime të FNSh Shkodër, për të verifikuar rastin.

Nga verifikimet rezultoi se 43-vjeçari B. M. kishte qëlluar me armë zjarri, në ajër, duke terrorizuar banorët.

Në ndihmë të Policisë lokale shkuan dhe dy grupe të RENEA-s.

Si rezultat i kontrolleve në territorin e fshatit, pas disa orësh, u kap shtetasi B. M., 43 vjeç, që kishte qëlluar në ajër, me armë zjarri.

Gjatë kontrollit fizik, këtij shtetasi i është gjetur një sasi municioni luftarak, që u sekuestrua në cilësinë e provës materiale, bashkë me armën e zjarrit automatik që ai e kishte fshehur në pyll sapo ka parë që ishte rrethuar nga shërbimet e Policisë.

Në vijim të veprimeve procedurale, shtetasi B. M., 43 vjeç, banues në fshatin Bardhaj, u arrestua në flagrancë.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme", njofton policia./ CNA

 





Lajmet e fundit nga