web counter
LEXO PA REKLAMA!

SHKARKO APP

App Store
Google Play

E fundit!

x

11 kilogramë kanabis dhe armë/ Arrestohet i riu në Krujë

12 Tetor 2023, 13:45, Kronika CNA

11 kilogramë kanabis dhe armë/ Arrestohet i riu në Krujë

Policia e Krujës ka arrestuar 31-vjeçarin me iniciale A.M. dhe është nën hetim një tjetër, pasi kishin përshtatur një ambient, në fshatin Mafsheq, për tharjen e bimëve narkotike.

Policia ka shpallur në kërkim shtetasi O. C., 20 vjeç, banues në Fushë-Krujë.

Gjatë aksionit policia sekuestroi rreth 11 kg lëndë të dyshuar narkotike kanabis dhe disa bimë në proces tharjeje dhe me 1 armë zjarri. 

Njoftimi i plotë i policisë:

Kishin përshtatur një ambient, në fshatin Mafsheq, për tharjen e bimëve narkotike, vihet në pranga 1 shtetas, procedohet penalisht një tjetër. Shpallet në kërkim bashkëpunëtori i tyre.

Sekuestrohen 11 kg lëndë e dyshuar narkotike në proces tharjeje, 1 armë zjarri kallashnikov dhe municion luftarak, që u gjetën të fshehura në afërsi të ambientit ku thaheshin bimët narkotike.

Shërbimet e Komisariatit të Policisë Krujë, në vijim të punës për garantimin e rendit dhe sigurisë, evidentimin dhe goditjen e veprimtarive kriminale, kapjen në flagrancë të shtetasve që kryejnë vepra penale, kontrolleve të ushtruara për parandalimin e veprimtarisë kriminale të kultivimit të bimëve narkotike, bazuar në informacionet e siguruara, kanë organizuar dhe finalizuar operacionin policor të koduar "Outside".

Si rezultat i këtij operacioni u bë arrestimi në flagrancë i shtetasit A. M., 31 vjeç, banues në Domje, si dhe nisi procedimi në gjendje të lirë për një të mitur 16 vjeç, banues në Fushë Krujë. Gjithashtu u shpall në kërkim shtetasi O. C., 20 vjeç, banues në Fushë Krujë.

Këta 3 shtetas kishin përshtatur një ambient në afërsi të banesës së shtetasit A. M., në fshatin Mafsheq, për tharjen e bimëve narkotike.

Gjatë kontrollit në këtë ambient, shërbimet e Policisë gjetën rreth 11 kg lëndë të dyshuar narkotike kanabis dhe disa bimë në proces tharjeje, të cilat u sekuestruan në cilësinë e provës materiale, së bashku me 1 armë zjarri, që u gjet e fshehur gjatë kontrollit të ambientit në afërsi të bimëve narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./CNA





Lajmet e fundit nga