web counter
LEXO PA REKLAMA!

SHKARKO APP

E fundit!

x

Sulm me thikë në burgjet e Malandrinos/ Shqiptari plagoset për larje hesapesh të Mafias Greke

29 Janar 2026, 21:47, Kronika CNA

Sulm me thikë në burgjet e Malandrinos/ Shqiptari plagoset për

Një sulm i rëndë me thikë ka ndodhur në burgjet e Malandrinos, në Greqi, ku një i burgosur shqiptar, i njohur për lidhjet e tij me Mafian Greke, është plagosur rëndë nga një bashkëvuajtës dënimi.

Mediat greke raportojnë se ngjarja ndodhi menjëherë pas transferimit të tij në burg, përpara se të hynte në pavijonin e paraburgimit. Autori i dyshuar, një i burgosur grek që punonte në ambientet e brendshme të burgut, e goditi me thikë artizanale, duke i shkaktuar plagë të rënda.

I plagosuri, 46-vjeçari nga Labova e Gjirokastrës, Dhimitër Meci, i njohur në botën e krimit me nofkën “Dhimos”, është dërguar me urgjencë në spital dhe ndodhet jashtë rrezikut për jetën.

Autoritetet dyshojnë se sulmi lidhet me përplasje dhe larje hesapesh mes grupeve kriminale, pasi viktima është përfshirë në disa çështje të rënda penale, përfshirë edhe tentativa vrasjeje në Athinë.

Policia greke ka arrestuar autorin e dyshuar dhe ka nisur hetimet për zbardhjen e plotë të ngjarjes, ndërsa rasti ka rikthyer në vëmendje problemet e sigurisë brenda burgjeve greke./CNA





Lajmet e fundit nga