web counter
LEXO PA REKLAMA!

SHKARKO APP

App Store
Google Play

Posedonte kokainë në doza/ Arrestohet në flagrancë 41-vjeçari me dy identitete

28 Janar 2026, 10:08, Kronika CNA

Posedonte kokainë në doza/ Arrestohet në flagrancë

Një 41-vjeçar u arrestua në flagrancë në fshatin Voskop të Korçës, pasi shiste lëndë narkotike.

Shtetasi N. Dh., alias M. K., u kap si pjesë e operacionit policor të koduar “Polena”.

Gjatë operacionit u sekuestrua lënda e dyshuar narkotike e llojit kokainë.

Njoftimi:

Specialistët për Hetimin e Narkotikëve në vijim të punës për goditjen e aktivitetit kriminal në fushën e prodhimit dhe shitjes së narkotikëve, bazuar edhe në informacionet e marra në rrugë operative, për një shtetas që shpërndante lëndë narkotike, finalizuan operacionin policor të koduar “Polena”.

Në kuadër të operacionit u bë kapja dhe arrestimi në flagrancë i shtetasit N. Dh., alias M. K., 41 vjeç, banues në fshatin Voskop, Korçë.

Gjatë kontrollit të ushtruar në lokalin që ky shtetas kishte në përdorim, në fshatin Polenë, Korçë, iu gjet dhe sekuestrua në cilësinë e provës materiale një sasi me lëndë narkotike të dyshuar kokainë, e ndarë në doza gati për shitje.

Në bashkëpunim me Prokurorinë vijon puna për dokumentimin e plotë ligjor të veprimtarisë kriminale të këtij shtetasi.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./CNA





Lajmet e fundit nga