E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Zjarret vdekjeprurëse në Mesdhe/ Dhjetëra viktima

26 Korrik 2023, 09:29, Kosova & Bota CNA

Zjarret masive dhe temperaturat ekstreme janë kthyer në kryefjalën e kësaj vere në të gjithë botën.

Sipos raportimeve më shumë se 40 persona kanë humbur jetën si pasojë e zjarreve, ku shumica e viktimave janë shënuar në Algjeri.

Gjithashtu janë evakuar me dhjetëra mijëra të tjerë nga vende të ndrushme të botës dhe Evropës.

Në Greqi, Ministria e Mbrojtjes Civile paralajmëroi për një "rrezik ekstrem" zjarri në gjashtë nga 13 rajonet e vendit.

Greqia është një ndër vendet më të prekura nga kjo fatkeqësi, e cila favorizohet nga temperaturat e larta. Zjarret kanë pushtuar ishuj si Rodosi, Korfuzi dhe Evia.

Në ishullin Rodos më shumë se 20,000 njerëz janë evakuuar nga shtëpitë dhe vendpushimet në jug ditët e fundit.

Mijëra njerëz janë evakuuar gjithashtu në Evia dhe Korfuz, ndërsa Kreta, një tjetër destinacion pushimesh - është në gatishmëri të lartë.

Temperaturat në vendin grek pritet të rriten mbi 44 gradë celsius.

Italia është goditur nga ekstreme të kundërta atmosferike, me stuhi në veri dhe zjarre në Siçili dhe disa rajone të tjera jugore.

Një çift rreth të 70-ave u gjetën të pajetë në një shtëpi të djegur nga zjarri në Palermo.

Një grua 88-vjeçare gjithashtu ndërroi në këtë qytet për shkak të zjarreve.

Një zjarr në rajonin Foggia, në bregdetin e Adriatikut të Italisë, detyroi evakuimin e 2000 njerëzve nga tri hotele.

“Ne po përjetojmë në Itali ditët më të komplikuara në dekadat e fundit – stuhi shiu, tornado dhe breshër gjigant në veri dhe vapë përvëluese dhe zjarre shkatërruese në qendër dhe jug”, tha ministri i Mbrojtjes Civile Nello Musumeci.

Vendi më i dëmtuar dhe humbje të shumta jete për shkak të flakëve është Algjeria, ku janë shënuar 34 viktima, 10 prej tyre ushtarë të rrethuar nga flakët gjatë një evakuimi në provincën bregdetare të Bejaia, në lindje të Algjerit.

Autoritetet algjeriane thanë se 80% e flakëve ishin shuar që nga e diela, por situate mbetet Akoma kritike.

Sipas raportimeva, rreth 8,000 veta personel, qindra kamionë zjarrfikës dhe disa avionë janë angazhuar për shuarjen e flakëve.

Zjarret kanë shpërthyer edhe në Tunizi, ku 300 persona u desh të evakuoheshin nga fshati bregdetar Melloula.

Një ekip shkencëtarësh të klimës - grupi World Weather Attribution - tha se vala e të nxehtit intensiv të këtij muaji në Evropën Jugore, Amerikën e Veriut dhe Kinë është pasojë e ndryshimeve klimatike./CNA.al