web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhja e liderit të ri suprem/ Irani: Pasardhësi do të jetë një 'Khamenei'

8 Mars 2026, 20:28, Kosova & Bota CNA

Zgjedhja e liderit të ri suprem/ Irani: Pasardhësi do të

Një anëtar iranian i Këshillit të Klerikëve që është përgjegjës për zgjedhjen e liderit të ri suprem ka bërë të ditur se emri i Khameneit do të vazhdojë në udhëheqje të Iranit, duke nënkuptuar se pasardhësi do të jetë një nga anëtarët e familjes së tij, më së shumti djali i tij.

Hoseinali Eshkevari, anëtar i asaj strukture, në një video të publikuar nga mediat iraniane tha se vota është hedhur dhe zgjedhja do të njoftohet së shpejti, por pa dhënë detaje të tjera.

Këshilli i Ekspertëve të Iranit, organi kushtetues që zgjedh Liderin Suprem, thuhet se ka arritur një konsensus mbi kandidatin e ri, megjithëse emri nuk është publikuar ende zyrtarisht. Mojtaba Khamenei, djali i liderit të ndjerë, përmendet gjerësisht si kandidati kryesor për të marrë postin, edhe pse kjo nuk është konfirmuar zyrtarisht.

Ka diskutime brenda asamblesë rreth procedurës dhe mënyrës se si të bëhet njoftimi publik për shkak të sigurimit dhe ndarjes së mendimeve rreth pasardhësit.

Kjo ide tregon se pasardhësi i ri do të jetë dikush që mbart linjën ideologjike dhe emrin politik të Khameneit, duke qënë pjesë e po të njëjtës elitë e brendshme të sistemit politik iranian.

Kjo gjithashtu sugjeron se jo vetëm titulli, por edhe vazhdimësia e politikave të tij pritet të mbetet e pandryshuar./CNA

 

 





Lajmet e fundit nga