Zbulohet raporti sekret i inteligjencës ushatarake/ Anglia në alarm, 40% e emigrantëve me gomone janë nga Shqipëria

6 Gusht 2022, 21:15, Kosova & Bota CNA
Zbulohet raporti sekret i inteligjencës ushatarake/ Anglia në alarm,
Foto ilustruese

Dyzet për qind e emigrantëve që kaluan në kanalin e La Manshit janë nga Shqipëria, zbulon "Daily mail", bazuar në një raport të inteligjencës ushtarake.

Gjithsej 1075 shqiptarë kaluan kanalin me gomone të organizuara nga bandat gjatë një periudhe gjashtëjavore këtë verë.

Sipas shifrave të qeverisë, vitin e kaluar kanë kaluar, 757 shqiptarë.

Bandat shqiptare thuhet se po blejnë gomone nga fabrikat kineze dhe po i përshtatin ato duke u kërkuar firmave kineze t'i bëjnë ato më të mëdha për të ngjeshur sa më shumë emigrantë.

Ekspertët besojnë se kalimet po nxiten nga mediat sociale, me kontrabandistët që reklamojnë shërbimet e tyre në "Tik-Tok" dhe paguajnë deri në 5,500 paundë për person.

Një oficer ndërlidhës i policisë shqiptare do të vendoset në Dover për të ndihmuar në trajtimin e problemit në rritje, por raportohet se ka mungesë të përkthyesve shqiptarë. Zbulimi vjen në ditën kur një burrë duhej të shpëtohej nga autoritetet britanike, pasi u përpoq të kalonte kanalin i vetëm.

288 persona të tjerë kaluan kanalin anglez të premten, më 5 gusht, duke e çuar numrin total të emigrantëve që arritën në Mbretërinë e Bashkuar këtë javë në 1,372.

Pesë gomone kaluan gjatë periudhës së fundit 24-orëshe, tregojnë shifrat e qeverisë.

Në fillim të kësaj jave, një rekord i ri ditor u vendos më 22 pasi 696 persona bënë udhëtimin e rrezikshëm të hënën, sipas shifrave nga Ministria e Mbrojtjes.

Hulumtimet e reja tregojnë se në shtatë vitet e fundit, gati gjysmë miliardë paund janë shpenzuar nga qeveria duke u përpjekur të parandalojë emigrantët të kalojnë.

Në total përfshihen shuma të mëdha që i janë dorëzuar qeverisë franceze në një përpjekje për të parandaluar azilkërkuesit e mundshëm që të largohen nga brigjet e tyre.

Shifrat tregojnë se 473 milionë funte janë shpenzuar për një sërë masash sigurie, si dhe për koston fillestare të marrëveshjes së azilit të Priti Patel në Ruanda.

Sekretarja e Brendshme, Priti Patel, pritet të shpallë së shpejti një paketë të re financimi, duke përfshirë dhjetëra miliona paund për francezët për më shumë patrullime në plazh dhe pajisje vëzhgimi./ CNA.al

Lajmet e fundit nga