web counter
LEXO PA REKLAMA!

SHKARKO APP

App Store
Google Play

Vuçiç i drejtohet popullit, tregon për çfarë i tërhoqën "veshin" ndërkombëtarët në Tiranë

2 Mars 2024, 11:27, Kosova & Bota CNA
Vuçiç i drejtohet popullit, tregon për çfarë i
Aleksandër Vuçiç

Presidenti i Serbisë, Aleksandër Vuçiç, iu drejtua sot qytetarëve nga Presidenca, pas pjesëmarrjes në dy samitet në Tiranë.

Ai theksoi se situata me Kosovën nuk ka ndryshuar në asnjë mënyrë, pavarësisht përpjekjeve të përfaqësuesve ndërkombëtarë.

"Nuk ka indicie se vendimi i Prishtinës për dinarin do të ndryshojë. Në periudhën e ardhshme Beogradi do të detyrohet të marrë vendime të ndryshme për të lundruar dhe gjetur zgjidhje alternative për furnizimin e parave dhe pagesën e pagave dhe pensioneve të popullit serb në Kosovë", u shpreh ai. 

Ai paralajmëroi se muajt e ardhshëm do të ketë më shumë presion mbi popullin serb dhe mbi shtetin e Serbisë. 

“Do të ketë vetëm më shumë presion mbi popullin serb dhe mbi shtetin e Serbisë”, tha Vuçiç dhe shtoi se nga Serbia priten tri gjëra, kryesisht nga partnerët perëndimorë me të cilët ka komunikim të përditshëm.

Gjëja e parë që pritet, tha ai, është se do të na kërkohet njohja de facto ose de jure e Kosovës.

Vuçiç më tutje deklaroi se ndërkombëtarët do t’i kërkojnë shtetit serb që të heqë dorë edhe nga Republika Srpska, vendosja e sanksioneve kundër Rusisë si dhe një qëndrim të fortë kundër Kinës./CNA 





Lajmet e fundit nga