web counter
LEXO PA REKLAMA!

SHKARKO APP

App Store
Google Play

E fundit!

x

Von der Leyen: Paqe e drejtë dhe e qëndrueshme me respekt për sovranitetin e Ukrainës

27 Dhjetor 2025, 22:15, Kosova & Bota CNA

Von der Leyen: Paqe e drejtë dhe e qëndrueshme me respekt për

Presidentja e Komisionit Europian, Ursula von der Leyen tha se Bashkimi Europian është në kontakt të vazhdueshëm me udhëheqësit përpara takimit midis Donald Trump dhe Volodymyr Zelensky në kontekstin e bisedimeve të paqes.

"Sapo kemi pasur kontakte me disa udhëheqës përpara takimit të nesërm midis Presidentit Trump dhe Presidentit Zelensky për bisedimet e paqes. Ne mirëpresim çdo përpjekje që çon drejt qëllimit tonë të përbashkët: një paqe e drejtë dhe e qëndrueshme, e cila do të sigurojë sovranitetin dhe integritetin territorial të Ukrainës",-tha Von der Leyen. 

Një paqe e tillë duhet të forcjë njëkohësisht aftësitë e sigurisë dhe mbrojtjes së vendit, si një pjesë integrale e sigurisë së përgjithshme të kontinentit europian.

Von der Leyen theksoi gjithashtu se Komisioni Europian do të vazhdojë në vitin 2026 të ushtrojë presion mbi Kremlinin, të mbështesë fort Ukrainën dhe të punojë intensivisht për pranimin e vendit në Bashkimin Europian./CNA





Lajmet e fundit nga