web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/Protestë e dhunshme në Sri Lanka, mijëra qytetarë futen në Presidencë

9 Korrik 2022, 23:05, Kosova & Bota CNA
VIDEO/Protestë e dhunshme në Sri Lanka, mijëra qytetarë
Protesta në Sri Lanka

Kryeqyteti i Sri Lankës është përfshirë nga protestat këtë të shtunë për shkak të krizës ekonomike në vend.

Protestuesit kanë sulmuar godinat qeveritare, përfshirë rezidencën presidenciale në Kolombo.

Policia po përdor gaz lotsjellës për shpërndarjen e tyre, por situata ka dalë nga kontrolli. Në pamjet e mëposhtme shfaqen momente nga protesta, ku protestuesit kanë pushtuar rrugët e kryeqytetit dhe një pjesë e tyre janë brenda godinave qeveritare.

Qytetarët kërkojnë dorëheqjen e presidentit, i konsideruar përgjegjës për krizën ekonomike që ka pushtuar vendin, me një inflacion rekord, mungesë karburanti, energjie elektrike dhe ushqimesh.

Mediat vendase raportojnë se presidenti Gotabaya Rajapaksa’s ndodhet në një vend tjetër të sigurt dhe i mbrojtur nga njësia ushtarake.

Ndërkohë, kryeministri i Sri Lankës, Ranil Wickremesinghe, ka thirrur në një mbledhje urgjente qeverinë.

Të premten qeveria dekretoi shtetrrethimin në mënyrë që të dekurajonte protestuesit, por kjo masë u tërhoq pas protestave të partive opozitare dhe organizatave për të drejtat e njeriut.

Ishulli prej 22 milionë banorësh po përballet me krizën më të keqe ekonomike që nga pavarësia në 1948-ën./CNA.al





Lajmet e fundit nga