web counter
LEXO PA REKLAMA!

SHKARKO APP

App Store
Google Play

E fundit!

x

‘Katar 2022’/ Në kupën e botës do të ndalohet alkooli

9 Korrik 2022, 22:29, Kosova & Bota CNA
‘Katar 2022’/ Në kupën e botës do të ndalohet
Foto ilustruese

Kupa e Botës e këtij viti do të zhvillohet në Katar nga data 21 nëntor deri më 18 dhjetor. Një aktivitet që po pritet me shumë entuziazëm, por dhe me një pikëpyetje të madhe nga vetë FIFA që e organizon: A do të ketë birra në stadiume? Kjo është dilema më e madhe për organizatorët pasi Kupa e Botës do të mbahet për herë të parë në një vend mysliman.

Kupa e Botës e këtij viti është e para që mbahet në një vend si Katari me kontrolle të rrepta mbi alkoolin, gjë që paraqet një sfidë unike për organizatorët e një ngjarjeje që shpesh lidhet me adhuruesit e birrës dhe sponsorizohet nga markat globale të prodhimit të saj.

Edhe pse nuk është një shtet ku ndalohet rreptësisht alkooli siç është Arabia Saudite, në Katar konsumimi i alkoolit ndalohet vetëm në vende publike.

Pas kërkesës së 1.2 milionë tifozëve për të konsumuar birrë FIFA ka vendosur që alkooli të konsumohet vetëm në vende të caktuara. Tifozët do të mund të blejnë birra gjatë periudhave të kufizuara në pjesë të caktuara të zonës kryesore si në parkun AlBidda në Doha. Gjithashtu alkooli do të jetë i disponueshëm për 15,000 deri në 20,000 tifozë në një cep të pashfrytëzuar të Doha Golf Club, disa kilometra larg stadiumeve dhe zonës kryesore të tifozëve./CNA.al





Lajmet e fundit nga