web counter
LEXO PA REKLAMA!

SHKARKO APP

App Store
Google Play

Vendimi i Hagës/ Gjykata Speciale zgjat paraburgimin për Thaçin, Kilajn, Fazliun dhe Smakajn

11 Prill 2025, 16:55, Kosova & Bota CNA

Vendimi i Hagës/ Gjykata Speciale zgjat paraburgimin për

Gjykata Speciale e Hagës ka vendosur që ish-presidenti Hashim Thaçi, Isni Kilaj, Fadil Fazliu dhe Bashkim Smakaj, të vazhdojnë të qëndrojnë në paraburgim lidhur me aktakuzën për pengim të administrimit të drejtësisë.

Kjo është konfirmuar nga zëdhënësja e Dhomave të Specializuara në Hagë, Angela Griep, gjatë konferencës së saj javore.

Përveç kësaj, Griep njoftoi se në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit, kanë pasur zhvillime të rëndësishme gjatë muajve mars dhe prill, duke shtuar se më 26 mars, trupi gjykues miratoi kërkesën e Prokurorisë për të lejuar një dëshmitar të japë dëshminë e tij përmes video-lidhjes, për arsye shëndetësore dhe sigurie, vendim ky që u bë publik më 4 prill.

 “Më 7 dhe 8 prill 2025, Gjykatësja e Procedurës Paraprake urdhëroi vazhdimin e paraburgimit të Hashim Thaçit, Isni Kilajt, Fadil Fazliut dhe Bashkim Smakajt, me konstatimin se për katër të akuzuarit ekzistojnë arsye të artikulueshme për të besuar se mund të arratisen, të pengojnë ecurinë e procesit ose të kryejnë vepra penale të tjera. Gjykatësja e Procedurës Paraprake konstatoi më tej se këto rreziqe mund të zvogëlohen vetëm duke vazhduar paraburgimin e tyre”,-tha Griep.

Zëdhënësja e DhSK-së përmendi edhe vizitën e Hashim Thaçit, e cila u bë për arsye humanitare, pas vdekjes së babait të tij. Tha se ky vendim u mor duke marrë parasysh akuzat ndaj Thaçit për pengim të drejtësisë dhe rrezikun e ndërhyrjes në procesin gjyqësor./CNA

 

 





Lajmet e fundit nga