web counter
LEXO PA REKLAMA!

SHKARKO APP

App Store
Google Play

E fundit!

x

Dialogu Kosovë-Serbi/ Kryediplomatja Kallas: Pa normalizim nuk ka proces integrimi

8 Prill 2025, 16:14, Kosova & Bota CNA

Dialogu Kosovë-Serbi/ Kryediplomatja Kallas: Pa normalizim nuk ka proces

Shefja e politikës së jashtme të BE-së, Kaja Kallas tha sot se BE-ja po punon për të identifikuar se çfarë nuk ka funksionuar në dialogun e bllokuar të ndërmjetësuar nga BE-ja ndërmjet Kosovës dhe Serbisë, tani që Bashkimi Evropian ka emëruar një ndërmjetës të ri. Deklaratat e saj, Kallas i bëri në një konferencë të përbashkët për shtyp me kryeministrin Edi Rama në takimin e sotëm në Tiranë.

"Ky është një proces në vazhdim. Kemi një Përfaqësues të ri Special të BE-së për Dialogun Beograd-Prishtinë dhe do të ulemi me të për të vlerësuar se çfarë funksionon dhe çfarë jo. Pa normalizim, asnjëri prej tyre nuk mund të vazhdojë rrugën e tij evropiane",- tha Kallas.

Kallas, e cila iu shmang Kosovës dhe Serbisë në turneun e saj të parë në rajon si shefe e politikës së jashtme të BE-së, tha se procesi i normalizimit në dialogun Kosovë-Serbi është vendimtar për rrugën e tyre drejt integrimit në BE.

Kallas theksoi se për BE-në, është i rëndësishëm normalizimi i raporteve mes Kosovës dhe Serbisë.

Përfaqësuesja e Lartë për Politika të Jashtme dhe Siguri e Bashkimit Evropian, Kaja Kallas, po zhvillon një vizitë 2 ditore, nga data 7 deri më 9 prill në disa shtete në Ballkanin Perëndimor./CNA





Lajmet e fundit nga