web counter
LEXO PA REKLAMA!

SHKARKO APP

App Store
Google Play

E fundit!

x

Skandali në Beograd/ Serbët heqin flamurin e Kosovës nga Kongresi i UEFA-s

3 Prill 2025, 14:43, Kosova & Bota CNA

Skandali në Beograd/ Serbët heqin flamurin e Kosovës nga Kongresi

Në kryeqytetin e Serbisë po mbahet Kongresi i UEFA-s me të gjithë anëtarët e organizmit europian të futbollit. Edhe pse kreu i UEFA-s, Ceferin, tha se futbolli nuk ka kufij duke sjellë shembullin e bashkorganizimit të "Euro 2027" për 21-vjeçarët mes Shqipërisë dhe Serbisë, organizatorët kanë bërë një veprim qesharak duke hequr flamurin e Kosovës.

Kreu i Federatës së Futbollit të Kosovës, Agim Ademi, u pa duke pozuar me flamurin e Kosovës në ambientet e Kongresit. Një gjë e tillë duket se ka shqetësuar organizatorët serbë, që sipas njoftimit e kanë hequr.

Federata Serbe e Futbollit në një reagim për ngjarjen ka kërkuar ndjesë për çdo qytetar, për bashkëkombësit në Kosovë, të cilët u ndien të shqetësuar dhe të lënduar nga kjo mungesë vëmendjeje e organizatorit, e cila u korrigjua menjëherë, thuhet në reagim.

Reagimi i plotë i Federatës Serbe të Futbollit:

“Kongresi i 49-të i UEFA-s po zhvillohet sot në Beograd, një nga ngjarjet më të mëdha që është mbajtur ndonjëherë në vendin tonë. Kongresi organizohet nga UEFA, ndërsa Federata e Futbollit e Serbisë mirëpret figurat më të rëndësishme të futbollit në Europë dhe botë.

Organizimi i jashtëzakonshëm u zbeh nga një neglizhencë e organizatorëve, të cilin një pjesëmarrës në Kongres u përpoq ta shfrytëzonte për interesa jofutbollistike. Reaguam së bashku, shpejt dhe me vendosmëri, dhe me përgjegjësi të plotë informojmë publikun se nuk ka asnjë flamur apo simbol të Kosovës në Kongresin e UEFA-s sot në Beograd.

Kërkojmë ndjesë për çdo qytetar tonin dhe çdo anëtar të popullit tonë, veçanërisht për bashkëkombësit tanë në Kosovë, të cilët u ndien të shqetësuar dhe të lënduar nga kjo mungesë vëmendjeje e organizatorit, e cila u korrigjua menjëherë pas reagimit tonë”,-shkruhet në reagim./CNA

 

 





Lajmet e fundit nga