web counter
LEXO PA REKLAMA!

SHKARKO APP

App Store
Google Play

E fundit!

x

Tarifat tregtare për Kinën/ Trump: Mund t’i rrisim edhe 50%

7 Prill 2025, 18:38, Kosova & Bota CNA

Tarifat tregtare për Kinën/ Trump: Mund t’i rrisim edhe 50%

Trump po shprehet pro një ideje që të rrisë tarifat ndaj Kinës me një shtesë prej 50%, nëse Pekini nuk heq dorë nga detyrimet e tij hakmarrëse për importet amerikane.

Trump në një postim në Truth Social i dha Kinës deri të martën për të zhbërë tarifat e saj prej 34%, të vendosura në përgjigje të detyrimeve reciproke të zbuluara në Shtëpinë e Bardhë javën e kaluar.

Trump shkroi gjithashtu se do të anulojë të gjitha bisedimet e planifikuara me Kinën nëse ato nuk përmbushin kërkesën e tij.

“Veprimi i Kinës erdhi pavarësisht paralajmërimit tim se çdo vend që hakmerret kundër tarifave të reja të SHBA-së do të përballet menjëherë me tarifa të reja dhe dukshëm më të larta dhe mbi ato të vendosura fillimisht”,-shkroi Trump.

Trump tha se paralajmëroi ndërprerjen e të gjitha bisedimeve.

"Përveç kësaj, të gjitha bisedimet me Kinën në lidhje me takimet e kërkuara me ne do të ndërpriten! Negociatat me vendet e tjera, të cilat gjithashtu kanë kërkuar takime, do të fillojnë të zhvillohen menjëherë. Faleminderit për vëmendjen tuaj për këtë çështje!",-u shpreh presidenti amerikan.

Më 2 prill, Trump njoftoi të ashtuquajturat tarifa reciproke mbi importet nga rreth 90 vende, duke shtuar një taksë globale prej 10% të aplikuar për të gjitha produktet e dërguara në SHBA, duke e përshkruar njoftimin si "Dita e Çlirimit", presidenti tha se taksat e reja nevojiten për të fshirë disbalancat tregtare midis SHBA-së dhe vendeve të tjera anëtare të Bashkimit Evropian./CNA

 

 

 





Lajmet e fundit nga