web counter
LEXO PA REKLAMA!

SHKARKO APP

App Store
Google Play

“Trump do të sjellë paqe”/ Netanyahu, mesazh për presidentin e ri të Amerikës

20 Janar 2025, 20:22, Kosova & Bota CNA

“Trump do të sjellë paqe”/ Netanyahu, mesazh për

Vijojnë urimet për Donald Trump pas betimit të tij si president i 47-të i Shteteve të Bashkuara të Amerikës. I radhës ishte kryeministri izraelt, Benjamin Netanyahu i cili u shpreh i bindur se në këtë mandat të Trump, aleanca Izrael-SHBA do të njohë nivele edhe më të larta ndërsa shtoi se mezi pret të punojnë së bashku për kthimin e pengjeve izraelitë.

“Urime President Trump! Sara dhe unë dërgojmë urimet tona më të ngrohta për ju, Melania dhe popullin amerikan në inaugurimin tuaj të dytë si President i Shteteve të Bashkuara. Mandati juaj i parë si President ishte i mbushur me momente novatore në historinë e aleancës së madhe mes dy vendeve tona.

Ju u tërhoqët nga marrëveshja e rrezikshme bërthamore e Iranit, ju njohët Jerusalemin si kryeqytetin e Izraelit, ju transferuat ambasadën amerikane në Jerusalem dhe ju njohët sovranitetin e Izraelit mbi Lartësitë Golan. Ju ndërmjetësuat Marrëveshjet historike të Abrahamit në të cilat Izraeli bëri paqe me katër vende arabe.

Unë besoj se duke punuar përsëri së bashku do ta ngremë aleancën SHBA-Izrael në lartësi edhe më të mëdha. Jam i bindur se do të përfundojmë humbjen e boshtit të terrorit të Iranit dhe do të sjellim një epokë të re paqeje dhe prosperiteti për rajonin tonë.

Në emër të popullit të Izraelit, dua t'ju falënderoj gjithashtu për përpjekjet tuaja për të ndihmuar në lirimin e pengjeve izraelite. Mezi pres të punoj me ju për të kthyer pengjet e mbetura, për të shkatërruar aftësitë ushtarake të Hamasit dhe për t'i dhënë fund sundimit të tij politik në Gaza dhe për të siguruar që Gaza të mos përbëjë më kurrë një kërcënim për Izraelin.

Jam i sigurt, zoti President, se nën udhëheqjen tuaj, ditët më të mira të aleancës sonë nuk kanë ardhur ende”. /CNA





Lajmet e fundit nga