web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia në Koçan/ Arrestohen 18 persona për ngjarjen

18 Mars 2025, 18:57, Kosova & Bota CNA

Tragjedia në Koçan/ Arrestohen 18 persona për ngjarjen

18 persona janë arrestuar deri më tani dhe 16 persona të tjerë janë ndaluar për ngjarjen e zjarrit në diskotekën e Koçanit në Maqedoninë e Veriut. Lajmin e ka bërë të ditur ministri i Punëve të Brendshme të Maqedonisë së Veriut, Pançe Toshkovski.

Toshkovski tha se për rastin janë marrë në pyetje 71 persona, 42 në Shkup dhe 29 në Koçan. Për 14 persona u caktua masa e ndalimit për 48 orë.

Ndalimi i është caktuar për persona të dyshuar për “krime të rënda kundër sigurisë së përgjithshme”, ndërsa për tre persona janë caktuar masat e ndalimit për “operim të parregullt”.

Toshkovski, në një konferencë për median, informoi sot se i arrestuari i fundit akuzohet për “vepra të rënda kundër sigurisë së përgjithshme” në lidhje me shkaktimin e rrezikut të përgjithshëm, si dhe është nënshkrues i njërit prej dokumenteve të nevojshme për funksionimin e klubit të hapur.

“Ekziston baza se dokumentet esenciale janë përpiluar në mënyrë të kundërligjshme, pa dallim, pa konstatuar gjendjen faktike, të cilat ishin parakusht në procedurën e mëtejshme për vënien në funksion të klubit në fjalë”,- tha Toshkovski.

Kryeprokurori Ljubço Kocevski tha se të dyshuarit në rastin e zjarrit, nëse shpallen fajtorë, mund të dënohen deri në 20 vjet burg./CNA





Lajmet e fundit nga