web counter
LEXO PA REKLAMA!

SHKARKO APP

App Store
Google Play

Miratohet ligji i ri/ Gjermania voton rritjen historike të shpenzimeve të mbrojtjes

18 Mars 2025, 17:58, Kosova & Bota CNA

Miratohet ligji i ri/ Gjermania voton rritjen historike të shpenzimeve

Ligjvënësit gjermanë kanë votuar sot për të lejuar një rritje të madhe në shpenzimet e mbrojtjes dhe infrastrukturës, një ndryshim historik për vendin, që mund të riformojë mbrojtjen evropiane.

Një shumicë prej dy të tretash e parlamentarëve të Bundestagut, e kërkuar për ndryshimin, miratoi votimin e kësaj të marte.

Ligji do të përjashtojë shpenzimet për mbrojtjen dhe sigurinë nga rregullat strikte të borxhit të Gjermanisë dhe do të krijojë një fond infrastrukture prej 500 miliardë eurosh ose 547 miliardë dollarë.

Votimi kaloi në parlament me 513 vota pro, mbi 489 votat e nevojshme.

Votimi vendimtar në Bundestag pasoi disa javë debatesh kur Unioni Kristian Demokrat (CDU) i Merz-it dhe partnerët e mundshëm të koalicionit Social Demokratët (SPD) zbuluan planet për të çliruar qindra miliarda shpenzime përmes lehtësimit të borxhit të garantuar me kushtetutë të Gjermanisë.

Ky votim është një lëvizje historike për Gjermaninë dhe mund të jetë jashtëzakonisht domethënëse për Evropën, pasi pushtimi i plotë i Rusisë në Ukrainë po vazhdon dhe pasi Presidenti i SHBA Donald Trump sinjalizoi një angazhim të pasigurt ndaj NATO-s dhe mbrojtjes së Evropës./CNA





Lajmet e fundit nga