web counter
LEXO PA REKLAMA!

SHKARKO APP

App Store
Google Play

Tragjedia me 61 të viktimat në Koçan / Ndalohen dy ish-ministrat e Ekonomisë

12 Prill 2025, 22:57, Kosova & Bota CNA

Tragjedia me 61 të viktimat në Koçan / Ndalohen dy

Policia në Maqedoninë e Veriut ka ndaluar dy ish-ministrat e Ekonomisë, Valon Saraçini dhe Bekim Neziri, si pjesë e veprimeve të ndërmarra në kuadër të hetimeve për zjarrin tragjik në Koçan. Nga ngjarja e rëndë humbën jetën 61 persona.

Sipas informacioneve të siguruara nga mediat, hetimi po zgjerohet edhe më shumë, duke përfshirë edhe 23 persona të tjerë të dyshuar për ngjarjen.

“Me urdhër të prokurorit publik në rrjedhë është aksioni për ndalimin e më shumë personave, në drejtim të zgjerimit të hetimit për zjarrin në Koçan. Autoritetet kompetente do ta informojnë opinionin në mënyrë të koordinuar në momentin që do të përfundojnë veprimet që janë në rrjedhë”, -theksohet nga njoftimi nga Prokuroria.

Paraprakisht, Prokuroria ngriti një procedurë hetimore për 34 persona fizikë dhe 3 juridikë, në mesin e të cilëve ishin edhe ish ministri i Ekonomisë Kreshnik Bekteshi, ish drejtori i Mbrojtjes dhe Shpëtimit, ish-kryetarë të komunës së Koçanit dhe ish-drejtues të Inspektoratit të Tregut.

Të gjithë të dyshuarit ngarkohen që në periudhën prej vitit 2012 deri në mëngjesin e kobshëm të 16 marsit, bashkë por çdokush në aspektin e tij, kompetencave dhe përgjegjësive fare nuk kanë vepruar sipas dispozitave për mbrojtje dhe me atë kanë shkaktuar rrezik për mjedisin jetësor, trupin e njerëzve dhe pronës në përmasa të mëdha./CNA





Lajmet e fundit nga