web counter
LEXO PA REKLAMA!

SHKARKO APP

App Store
Google Play

Planet për sigurinë e Ukrainës/ Zelensky: Përparësia është mbrojtja ajrore

11 Prill 2025, 20:17, Kosova & Bota CNA

Planet për sigurinë e Ukrainës/ Zelensky: Përparësia

Presidenti i Ukrainës, Volodymyr Zelensky njoftoi sot në rrjetin social ‘X’ se përparësia e Ukrainës është mbrojtja ajrore dhe se është shumë e rëndësishme për Ukrainën që partnerët e saj ta dëgjojnë dhe ta ndihmojnë.

"Ukrainasit dinë të jenë të saktë. Ne kemi mësuar tashmë të rrëzojmë një sasi të konsiderueshme të armëve ruse të terrorit",-shkroi Zelensky.

Ai shtoi se Ukraina duhet të forcojë sistemin e saj të mbrojtjes ajrore në mënyrë që të mbrohet nga sulmet e vazhdueshme të Rusisë.

"Ne duhet të adresojmë mungesën e sistemeve të mbrojtjes ajrore për ta bërë mbrojtjen e qiejve tanë. Partnerët tanë mund të na ndihmojnë me këtë dhe gjithashtu të përshpejtojnë zbatimin e të gjitha marrëveshjeve të arritura më parë,"-tha Zelensky.

Para fillimit të samitit në Bruksel, ministri gjerman i Mbrojtjes Boris Pistorius u kishte njoftuar gazetarëve se Gjermania do të rrisë ndihmën ushtarake për Ukrainën duke ofruar katër sisteme të mbrojtjes ajrore IRIS-T, 30 raketa shtesë për sistemet ajrore Patriot, 15 tanke Leopard, 14 sisteme artilerie dhe shumë municione të tjera si pjesë e paketës.

Duke reaguar ndaj njoftimit të Pistorius, Ministri i Mbrojtjes i Ukrainës Rustem Umerov shkroi në ‘X’ se paketa do të na ndihmonte të mbrojmë hapësirën ajrore dhe të forcojnë pozicionet në fushën e betejës.

Zelensky iu bashkua samitit të mbajtur në Bruksel të premten përmes lidhjes virtuale me video./CNA

 

 





Lajmet e fundit nga