LEXO PA REKLAMA!

SHKARKO APP

E fundit!

x

Tragjedia me 11 viktima/ Reagon Dritan Abazoviç: Mali i Zi nuk kishte parë si kjo tragjedi

12 Gusht 2022, 20:06, Kosova & Bota CNA
Tragjedia me 11 viktima/ Reagon Dritan Abazoviç: Mali i Zi nuk kishte
Kryeministri i Malit të Zi, Dritan Abazoviç

Kryeministri i Malit të Zi, Dritan Abazoviç, ka reaguar për masakrën në Cetinjë, ku mbetën viktimë 11 persona nga një sulm me armë, përfshirë këtu edhe vetë autorin e ngjarjes.

Abazoviç tha se kjo tragjedi nuk është parë më herët në Malin e Zi, ndërsa bëri thirrje që qytetarët të qëndrojnë pranë familjarëve të viktimave.

“Ngjarja e sotme në Cetinje është një tragjedi që Mali i Zi nuk e ka parë më parë.

U bëj thirrje të gjithë qytetarëve të Malit të Zi që të jenë me familjet e viktimave të pafajshme, të afërmit e tyre, miqtë dhe të gjithë qytetarët e Cetinjës”, deklaroi Abazoviç në Telegram.

Kujtojmë se nga të shtënat që u regjistruan sot rreth orës 16 në Cetinje, mbetën të vrarë 11 persona dhe gjashtë të tjerë janë plagosur, mes të cilëve edhe një efektiv.

Ngjarja ndodhi pas një konflikti me familjen të 34-vjeçarit Vuk Boriloviç. Ai mori armën dhe qëlloi drejt kalimtarëve në rrugë. Gjithahstu pati edhe përplasje me policinë. Nga shkëmbimi i zjarrit mbeti viktimë edhe autori i ngjarjes./ B.A. – CNA.al

Lajmet e fundit nga