web counter
LEXO PA REKLAMA!

SHKARKO APP

App Store
Google Play

Takimi me Lajçakun/ Vuçiç: Ka shumë ide, por Prishtina s’do zgjidhje

31 Gusht 2023, 15:45, Kosova & Bota CNA

Takimi me Lajçakun/ Vuçiç: Ka shumë ide, por Prishtina

Presidenti i Serbisë, Aleksandër Vuçiç ka folur për takimin me të dërguarin e posaçëm të Bashkimit Evropian për dialogun ndërmjet Kosovës dhe Serbisë, Mirosllav Lajçakun.

Kur u pyet se a ka ndonjë ide të re për situatën në Kosovë, Vuçiç tha se ka shumë ide, dhe zgjidhjet po mbarojnë.

“Mund të ishim ulur dhjetë orë. Kam frikë se do të ishte e vështirë të gjesh një zgjidhje kur flet me njerëz që nuk kërkojnë zgjidhje, kur flet me njerëz nga Prishtina që kërkojnë arsye për konflikte dhe sulme ndaj popullatës serbe në veri të Kosovës”, u shpreh ai.

Presidenti serb akuzoi kryeministrin e Kosovës, Albin Kurti, se dëshiron që t’i “dëbojë” serbët nga veriu i Kosovës.

"...Mos ta përmend sa mijëra kilometra jemi larg nga formirmi i Asociacionit të komunave me shumicë serbe. Prishtinës nuk i shkon mendja që kjo të ndodhë”, tha Vuçiç.

Kujtojmë se Presidenti serb u takua me Lajçakun një ditë më parë, më 30 gusht.

Takimi i radhës i nivelit të lartë pritet të jetë në shtator, në përpjekje për uljen e tensioneve dhe mbajtjen e zgjedhjeve të reja lokale në veri të Kosovës, si dhe zbatimin e të gjitha marrëveshjeve të nënshkruara gjatë dialogut./ CNA





Lajmet e fundit nga