LEXO PA REKLAMA!

SHKARKO APP

E fundit!

x

Studentët amerikanë ndihmojnë në rindërtimin e katedrales së Parisit

26 Nëntor 2022, 21:00, Kosova & Bota CNA
Studente?t amerikane? ndihmojne? ne? rinde?rtimin e katedrales se? Parisit
Foto ilustruese

Më shumë se tre vjet pasi një zjarr shkatërrues dogji pjesë të Katedrales Notre Dame në Paris, është duke u zhvilluar rindërtimi i saj dhe për këtë po ndihmojnë organizata nga Shtetet e Bashkuara. Korrespondentja e Zërit të Amerikës Karina Bafradzhian njofton.

Më 15 prill 2019, një zjarr shkatërrues dëmtoi seriozisht Katedralen Notre Dame në Paris, ikonë e arkitekturës gotike që daton në shekullin e 12-të.

Zjarri shembi majën e katedrales, shkatërroi pjesën më të madhe të çatisë së saj dhe dëmtoi rëndë muret e sipërme.

Por bota po ndihmon në rindërtimin e kryeveprës, duke përfshirë studentët e arkitekturës nga Universiteti Katolik Amerikan në Uashington.

Në vitin 2021, një kurs universitar u përqendrua në ndërtimin e një kopjeje të një strukture të Katedrales së Parisit.

Notre-Dame është një pjesë shumë e rëndësishme e historisë së arkitekturës, dhe kur dëgjova që po ofronin një kurs gjatë verës, ku mund të punoja për të, padyshim që doja të përfshihesha. Nuk njoh askënd që nuk do të donte të merrte këtë klasë dhe të punonte për diçka të tillë të rëndësishme. Sidomos pas zjarrit dhe asaj që ndodhi. Është një mundësi që vjen një herë në jetë, kështu që nuk doja ta humbisja!”, thotë Jack Antony, student i Universitetit Katolik Amerikan.

Profesoresha e arkitekturës Tonya Ohnstad dhe studentët e saj studiuan projekte nga arkitektë francezë që rindërtonin katedralen.

Më pas ata ndërtuan një strukturë për të mbajtur çatinë e katedrales. Edhe pse nuk do të jetë pjesë e katedrales së rinovuar, krijimi i saj i ndihmoi studentët të kuptojnë se si u ndërtua Notre Dame.

"Është një ikonë botërore - nuk ka dyshim se njerëzit e duan këtë ndërtesë, pavarësisht se nga vjen - është një vend i trashëgimisë botërore, një vend i shenjtë, një vend i bukur!" thotë Tonya Ohnstad.

Profesorja Ohnstad dhe disa nga studentët e saj shpresojnë të shkojnë në Paris në verë për të marrë pjesë personalisht në rindërtimin e katedrales.

Universiteti po dërgon gjithashtu lis të bardhë - një dru i vlefshëm i nevojshëm për rindërtimin - në Francë.

Materiali që ne do të përdorim në Francë vjen nga pylli i quajtur Constitution Grove. Është një nga pyjet më të vjetër në SHBA, është i veçantë, dhe duhet leje nga qeveria për të marrë pemë të rrëzuara prej aty, dhe ne e morëm. Dhe ato duhet të priten në një kohë të caktuar - zakonisht nga fundi i vjeshtës deri në dimër".

Qytetarët amerikanë gjithashtu kanë dhuruar fonde për rindërtimin e katedrales.

Shoqata e Trashëgimisë Franceze, një organizatë jofitimprurëse amerikane, ka grumbulluar mbi 2.5 milionë dollarë për këtë përpjekje.

"Një person dha si arsye faktin se gjyshi i tij ishte atje gjatë çlirimit të Parisit, dhe kështu për të, kjo kishte një rëndësi shumë personale", thotë Jennifer Herlein, anëtare e shoqatës.

Autoritetet franceze përgjegjëse për procesin e rindërtimit thonë se kanë grumbulluar më shumë se 860 milionë dollarë që do të kushtojë rindërtimi i Notre Dame-it.

Ata presin të rihapin katedralen në vitin 2024./ VOA

Lajmet e fundit nga