web counter
LEXO PA REKLAMA!

SHKARKO APP

App Store
Google Play

E fundit!

x

Shmangia e votimit në Kongres/ Qeveria amerikane: Lufta me Iranin ka përfunduar

1 Maj 2026, 16:31, Kosova & Bota CNA

Shmangia e votimit në Kongres/ Qeveria amerikane: Lufta me Iranin ka

Qeveria amerikane thotë se lufta me Iranin ka përfunduar, duke shtuar edhe se armëpushimi e ndërpreu afatin 60-ditor që kërkonte miratimin e Kongresit për vazhdimin e operacionit ushtarak.

Me sa duket për të shmangur një votim të detyrueshëm me ligj në Kongres, qeveria amerikane e konsideron luftën me Iranin të përfunduar.

Ligji "War Powers Resolution” i vitit 1973 parashikon që një operacion ushtarak duhet të përfundojë brenda 60 ditësh; përndryshe, presidenti amerikan ka nevojë për miratimin e Kongresit. Afati prej 60 ditësh përfundoi këtë të premte në orën 1 e 5 të mëngjesit.

Megjithatë sipas një përfaqësuesi të qeverisë së SHBA-së, argumenton se numërimi i afatit është ndërprerë nga armëpushimi që ka hyrë në fuqi që nga fillimi i prillit.

"Që nga e marta, 7 prill, nuk ka pasur shkëmbim zjarri midis forcave amerikane dhe Iranit”, është shprehur përfaqësuesi i qeverisë, raportojnë mediat amerikane.

Edhe ministri i Mbrojtjes, Pete Hegseth,  iu referua armëpushimit gjatë një seance dëgjimore në Senat, kur u pyet për nevojën e votimit. Sipas deklaratës së tij qeveria mund të vazhdojë  në çdo moment, pasi afati 60-ditor është ndërprerë prej armëpushimit.

Ndërkohë, një përfaqësues i lartë i Gardës Revolucionare iraniane e ka kërcënuar SHBA-në me sulme të gjata dhe të dhimbshme ndaj bazave ushtarake amerikane dhe anijeve luftarake në rajon, në rast sulmesh të reja amerikane, edhe nëse ato do të ishin të kufizuara. /CNA





Lajmet e fundit nga