web counter
LEXO PA REKLAMA!

SHKARKO APP

App Store
Google Play

E fundit!

x

Sanksionet ndaj Kosovës/ LDK, letër të posaçme drejtuar Von der Leyen

16 Dhjetor 2025, 17:17, Kosova & Bota CNA

Sanksionet ndaj Kosovës/ LDK, letër të posaçme drejtuar

Lidhja Demokratike e Kosovës i ka të dërguar një letër Presidentes së Komisionit Europian, Von Der Leyen dhe i kërkon heqjen e sanksioneve për Kosovën.

Kryetari i Lidhjes Demokratike e Kosovës, Lumir Abdixhiku ka kërkuar heqjen e menjëhershme të masave ndëshkuese të Bashkimit Europian ndaj Republikës së Kosovës, duke i cilësuar ato si të pajustifikuara dhe të papërshtatshme me zhvillimet aktuale politike dhe institucionale në vend.

Në njoftimin e publikuar nga zyra e shtypit e Lidhjes Demokratike, thuhet se në letër theksohet se mbajtja në fuqi e sanksioneve për Republikën e Kosovës po prodhon pasoja të drejtpërdrejta për qytetarët e saj dhe po dëmton funksionimin e institucioneve shtetërore.

LDK shton se kriteri kryesor i vendosur nga Bashkimi Europian, përkatësisht transferimi i pushtetit lokal në komunat veriore, tashmë është përmbushur.

“Këto masa kanë dëmtuar drejtpërdrejt Kosovën dhe qytetarët e saj, e jo politikanët. Si pasojë, një numër i konsiderueshëm projektesh zhvillimore dhe investimesh të rëndësishme kanë mbetur të bllokuara dhe të parealizuara, duke penguar zhvillimin ekonomik dhe përmirësimin e shërbimeve publike”,-vlerëson LDK në letër.

Në këtë kontekst, Lidhja Demokratike e Kosovës i bën thirrje Bashkimit Europian që të marrë vendim për heqjen e plotë të masave ndëshkuese ndaj Kosovës, në përputhje me parimet e drejtësisë, proporcionalitetit dhe partneritetit./CNA





Lajmet e fundit nga