E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Samiti i G7-s për Merzin: Testi pas overturës në Zyrën Ovale

15 Qershor 2025, 14:00, Kosova & Bota CNA

Për Friedrich Merz janë javë të mbushura me shumë gjëra të reja. Merzi sapo përfundoi vizitën e tij të parë në Zyrën Ovale. "E suksesshme", tha stafi i kancelarit. Samiti në Kanada shihet si një vazhdim i natyrshëm i udhëtimit të tij në Uashington, sipas burimeve qeveritare.

Megjithatë samitet e G7-ës (15..06-18.06) herë pas here sjellin surpriza. Ish-kancelarja Angela Merkel, e përjetoi me dhimbje këtë në samitin e G7-ës të vitit 2018 në Kebek të Kanadasë. Ky ishte momenti kur u bë fotografia ikonike e kancelares gjermane rrethuar nga krerë të tjerë qeverish, mbështetur në një tavolinë dhe përkulur drejt Donald Trump, i cili po kryqëzonte krahët me kokëfortësi. Në fund, Trumpi, i ofenduar, tërhoqi nënshkrimin e tij nga dokumenti përfundimtar - nga ajri, nga Air Force One, nëpërmjet një postimi në Twitter.

Merz për Trump: "Duhet të flasim me të, jo për të"
Kjo është një nga arsyet pse zyra e kancelarit dhe Merzi janë të përgatitur për çdo gjë. Vizita në Zyrën Ovale ishte vetëm hapi i parë, overtura. Tani vjen prova se si funksionon e gjitha në një situatë ekipi me gjashtë krerë shtetesh dhe qeverish dhe një Trump të paparashikueshëm në anën tjetër, sipas Berlinit. Por po bëhet e qartë edhe në Berlinin zyrtar: Nuk duhet të jetë një samit gjashtë plus një. Multilateralisti Merz sapo ka zbuluar një recetë për presidentin e paqëndrueshëm të SHBA-së: Duhet të ndalojmë së foluri për Donald Trump me grimasa dhe gisht tregues të ngritur. "Duhet të flasim me të, jo për të", rekomandon Merz, pjesëmarrës i i ri në samit.

Klubi i vendeve të mëdha të industrializuara feston 50-vjetorin këtë vit, po atmosfera nuk është për festë. Gaza, mosmarrëveshja tregtare - dhe, mbi të gjitha, lufta në Ukrainë. Merzi po udhëton drejt Rocky Mountains me një detyrë të: ta mbajë SHBA-në e lëkundur në anën e botës së bazuar në rregulla. "Po përpiqem të bëj gjithçka që amerikanët të qëndrojnë në anën tonë", tha Merz së fundmi. Nuk varet tërësisht nga ai. Por pjesërisht po.

Rivlerësim brenda kontinentit evropian?
Krerët e qeverive të BE, si holandezi Dick Schoof dhe kryeministrja daneze Mette Frederiksen, po e falënderojnë dukshëm Merzin për "udhëheqjen e tij në Evropë". Sipas burimeve qeveritare, Parisi dhe Londra kanë qëndrim mjaft pozitiv për përgjegjësinë e re udhëheqëse të Merzit. Merzi premtoi së fundmi se Gjermania është rikthyer dhe do të përmbushë rolin e saj në Evropë. "Evropa duhet të qëndrojë e bashkuar më shumë se kurrë."

Në samitin e G7-ës pritet të trajtohen çështjet e tarifave, lufta tregtare, lëndët e para, por para së gjithash lufta në Ukrainë. Berlini zyrtar nuk pret të ketë sukses një deklaratë e përbashkët nga të shtatë vendet mbi Ukrainën. Ndër të tjera, sepse presidenti amerikan duket i vështirë për t'u kuptuar edhe për këtë temë./ DW