LEXO PA REKLAMA!

SHKARKO APP

App Store
Google Play

Përhapet sëmundja misterioze ngjitëse në Tanzani / Ndërrojnë jetë 5 persona

22 Mars 2023, 07:23, Kosova & Bota CNA

Përhapet sëmundja misterioze ngjitëse në Tanzani /

"Një sëmundje misterioze që ka marrë jetën e të paktën pesë personave në Tanzani është verifikuar se shkaktohet nga virusi Marburg, e ngjashme me Ebolën, e cila shkakton ethe dhe hemorragji", njoftoi Ministria e Shëndetësisë e vendit afrikan.

“Rezultatet e laboratorit tonë të shëndetit publik kanë konfirmuar se sëmundja është shkaktuar nga virusi Marburg”, tha ministri i Shëndetësisë, Umi Moualimou, duke u bërë thirrje qytetarëve të qëndrojnë të qetë pasi “qeveria ka arritur të kufizojë përhapjen e sëmundjes".

"Tre pacientë janë shtruar në spital dhe 161 kontakte të rasteve të virusit janë duke u monitoruar nga autoritetet shëndetësore", shtoi ajo.

Mes viktimave ishte edhe një pjesëtar i personelit shëndetësor.

"Nuk ka asnjë arsye për panik ose për të ndaluar aktivitetet ekonomike (...) Ne po bëjmë gjithçka që na nevojitet për të kontrolluar këtë sëmundje infektive," tha ai.

Kombi i Afrikës Lindore javën e kaluar dërgoi një ekip mjekësh në rajonin Kangera (në veriperëndim) që është fqinj me Ugandën, për të hetuar shpërthimin.

Virusi Marburg është jashtëzakonisht i rrezikshëm. Shkakton temperaturë të lartë, shpesh të shoqëruar me gjakderdhje dhe prek organe të shumta të trupit.

Ai i përket familjes së filoviruseve, ku përfshihet edhe Ebola, një virus që ka shkaktuar epidemi vdekjeprurëse në Afrikë.

Organizata Botërore e Shëndetësisë (OBSH) vlerësoi reagimin e menjëhershëm të autoriteteve ndaj shpërthimit, duke shtuar se duhet të sigurohet që "nuk ka boshllëqe" në përgjigjen shëndetësore./ Përshtatur nga CNA.al

Lajmet e fundit nga