web counter
LEXO PA REKLAMA!

SHKARKO APP

App Store
Google Play

Pasagjeri me fat në sediljen 11A/ Një person i mbijeton aksidentit ajror në Indi

12 Qershor 2025, 16:53, Kosova & Bota CNA

Pasagjeri me fat në sediljen 11A/ Një person i mbijeton aksidentit

Ramesh Vishwaskumar Bucharvada, i cili ishte midis 242 personave në bordin e fluturimit fatkeq AI171 të Air India që u rrëzua sot, i mbijetoi mrekullisht aksidentit. Ramesh, 38 vjeç, ishte ulur në sediljen 11A në fluturimin që u rrëzua pranë aeroportit të Ahmedabad të enjten pasdite, duke vrarë më shumë se 200 persona.

Një video e filmuar pak momente pas rrëzimit tregon një Ramesh të plagosur duke ecur drejt një ambulance ndërsa kalimtarët e rrethojnë duke i bërë pyetje në lidhje me fatin e të tjerëve në aeroplan.

Komisioneri i Policisë së Ahmedabadit, GS Malik, tha se një pasagjer mbijetoi në rrëzimin e aeroplanit të Air India, raportoi agjencia e lajmeve ANI.

"Policia gjeti një të mbijetuar në vendin 11A. Një i mbijetuar është gjetur në spital dhe është nën trajtim. Nuk mund të themi asgjë për numrin e vdekjeve ende. Numri i të vdekurve mund të rritet pasi fluturimi u rrëzua në një zonë banimi",-tha Malik.

Sipas Aerolopa, një depo online e planeve të ulëseve të aeroplanëve, vendi 11A në Boeing 787-8 Dreamliner të Air India ndodhet në rreshtin e parë të kabinës së klasit ekonomik. Vendi pranë dritares ndodhet në të djathtë të aeroplanit dhe është dy rreshta përpara krahëve të aeroplanit./CNA





Lajmet e fundit nga