web counter
LEXO PA REKLAMA!

SHKARKO APP

App Store
Google Play

Pas 400 vitesh/ Shërbimi postar danez do të ndalojë së dërguari letra

21 Dhjetor 2025, 15:07, Kosova & Bota CNA

Pas 400 vitesh/ Shërbimi postar danez do të ndalojë së

Shërbimi postar danez do të dorëzojë letrën e tij të fundit më 30 dhjetor, duke i dhënë fund një tradite më shumë se 400-vjeçare.

Duke njoftuar vendimin për të ndaluar së dërguari letra, PostNord, e formuar në vitin 2009 në një bashkim të shërbimeve postare suedeze dhe daneze, tha se do të shkurtonte 1,500 vende pune në Danimarkë dhe do të hiqte 1,500 kuti postare të kuqe mes digjitalizimit në rritje të shoqërisë daneze.

Duke e përshkruar Danimarkën si një nga vendet më të dixgjitalizuara në botë, kompania daneze tha se kërkesa për letra kishte rënë në mënyrë drastike, ndërsa blerjet online vazhdonin të rriteshin, duke nxitur vendimin për t'u përqendruar në vend të kësaj te pakot.

U deshën vetëm tre orë që 1,000 nga kutitë postare dalluese, të cilat tashmë janë çmontuar, të bliheshin kur ato dolën në shitje në fillim të këtij muaji me një çmim prej 2,000 DKK (235 £) secila për ato në gjendje të mirë dhe 1,500 DKK (176 £) për ato pak më të konsumuara. 200 të tjera do të dalin në ankand në janar.

PostNord, i cili do të vazhdojë të shpërndajë letra në Suedi, ka thënë se do të rimbursojë pullat daneze të papërdorura për një kohë të kufizuar./CNA





Lajmet e fundit nga