web counter
LEXO PA REKLAMA!

SHKARKO APP

App Store
Google Play

Parlamenti Europian voton/ Refuzohet marrëveshja Mercosur

8 Tetor 2025, 19:29, Kosova & Bota CNA

Parlamenti Europian voton/ Refuzohet marrëveshja Mercosur

Parlamenti Europian refuzoi në mbledhjen e së mërkurës marrëveshjen Mercosur. Nëpërmjet një votimi me rezultat të ngushtë, 269 ligjvënës europianë votuan kundër marrëveshjes kontradiktore të nënshkruar nga BE-ja në dhjetor të vitit 2024 me vendet e Amerikës së Jugut.

Komisioni Evropian, që ka kryesuar për më shumë se njëzet vite negociatat për këtë marrëveshje, e kishte paraqitur atë për ratifikim në Këshill dhe për konsensus në Parlamentin Evropian më 3 shtator.

Por edhe pas këtij votim të së mërkurës, ende nuk dihet nëse fazat e fundit të anullimit do të vijojnë pa probleme.

Marrëveshja, e cila liberalizon tregtinë midis BE-së dhe vendeve anëtare të Mercosur - Argjentinës, Brazilit, Paraguait dhe Uruguait, ul tarifat për shumë produkte, përfshirë këtu edhe disa mallra bujqësore, duke ngritur shqetësime midis fermerëve evropianë për përballjen me konkurrencën e padrejtë nga prodhuesit e Amerikës Latine.

Kundërshtarët e marrëveshjes kanë frikë gjithashtu se vendet e Mercosur nuk do të përmbushin standardet evropiane fitosanitare dhe mjedisore, prandaj edhe kanë përgatitur një rezolutë që do t’i dërgohet Gjykatës së Drejtësisë të BE-së, dukë i bërë thirrjë ta anullojnë marrëveshjen.

Ndërkohë ata që janë pro argumentojnë se kjo marrëveshje është e domosdoshme për tregtinë globale, pasi konkurron tarifat e vendosura së fundmi nga SHBA-të si dhe është kundërpërgjigje ndaj importeve të Kinës. Ata thanë se marrëveshja shërbën si një koridor i madh tregtar midis më shumë se 700 milion njerëzve.

Akoma nuk ka një datë për votimin e seancës plenare për marrëveshjen Mercosur./ CNA





Lajmet e fundit nga