web counter
LEXO PA REKLAMA!

SHKARKO APP

App Store
Google Play

Ndërron jetë Princesha Irene e Greqisë dhe Danimarkës

15 Janar 2026, 17:32, Kosova & Bota CNA

Ndërron jetë Princesha Irene e Greqisë dhe Danimarkës

Princesha Irene e Greqisë dhe Danimarkës, motra më e vogël e Mbretëreshës Sofia të Spanjës dhe ish-Mbretit të ndjerë Kostandin të Greqisë, ka ndërruar jetë në moshën 83-vjeçare.

"Madhëritë e tyre, Mbreti dhe Mbretëresha, dhe Madhëria e saj, Mbretëresha Sofia, me keqardhje njoftojnë ndarjen nga jeta të Lartësisë së Saj Mbretërore, Princeshës Irene të Greqisë, në orën 11:40 të paradites së sotme në Pallatin Zarzuela në Madrid",-tha familja mbretërore spanjolle në një deklaratë të enjten.

E lindur më 11 maj 1942, në Cape Town, Afrikën e Jugut, ndërsa familja e saj jetonte në mërgim gjatë Luftës së Dytë Botërore, Princesha Irene ishte fëmija më i vogël i Princit të Kurorës Pavlos të Greqisë dhe Princeshës Frederica. Ata ishin larguar nga Greqia pas pushtimit italian dhe pushtimit të mëvonshëm nazist.

Familja u kthye në Greqi në vitin 1946, kur Irene ishte katër vjeç. Një vit më vonë, babai i saj u ngjit në fron si Mbreti Pavlos, dhe vëllai i saj u bë princ kurorë në moshën gjashtë vjeçare.

Irene u zhvendos në Indi me nënën e saj, ku u interesua për filozofinë hindu. Pas vdekjes së Mbretëreshës Frederica në vitin 1981, Irene u zhvendos në Madrid për të jetuar me motrën e saj, Mbretëreshën Sofia, në Pallatin Zarzuela, rezidencën mbretërore të Mbretit dhe Mbretëreshës së Spanjës, ku jetoi për pjesën tjetër të jetës së saj.

Princesha Irene nuk u martua kurrë dhe ia kushtoi pjesën më të madhe të jetës së saj aktiviteteve intelektuale dhe kulturore./CNA

 





Lajmet e fundit nga