web counter
LEXO PA REKLAMA!

SHKARKO APP

App Store
Google Play

“Mësoni të luftoni për veten”/ Trump me reagime të ashpra ndaj Britanisë dhe Francës: SHBA-ja nuk harron

31 Mars 2026, 14:08, Kosova & Bota CNA

“Mësoni të luftoni për veten”/ Trump me reagime

Presidenti i SHBA-së, Donald Trump, ka reaguar ashpër ndaj Mbretërisë së Bashkuar dhe Francës.

Përmes një reagimi në "Truth Social", Trump shprehet se Mbretëria e Bashkuar, e cila refuzoi të marrë pjesë në luftën ndaj Iranit, duhet të mësojë "të luftojë për veten dhe të shkojë ta marrë vetë naftën në Ngushticën e Hormuzit".

Më tej shprehet se SHBA-ja nuk do t’i ndihmojë, ashtu siç, sipas tij, ata nuk ndihmuan në ofensivën ndaj Iranit.

“Të gjitha ato vende që nuk mund të marrin karburant për avionë për shkak të Ngushticës së Hormuzit, si Mbretëria e Bashkuar, e cila refuzoi të përfshihej në 'prerjen e kokës' së Iranit, kam një sugjerim: Së pari, blini nga SHBA-ja, ne kemi me bollëk, dhe së dyti mblidhni pak guxim, shkoni në Ngushticë dhe thjesht merrni naftë. Do të duhet të filloni të mësoni se si të luftoni për veten tuaj, SHBA-ja nuk do të jetë më aty për t'ju ndihmuar, ashtu siç nuk ishit ju aty për ne. Irani, në thelb, është shkatërruar plotësisht. Pjesa e vështirë është bërë. Shkoni merrni naftën tuaj”, thuhet në reagimin drejtuar britanikëve.

Në një tjetër postim, ai e ka cilësuar Francën si të padobishme, pasi nuk u lejua që avionët ushtarakë amerikanë të fluturonin mbi territorin francez.

"Shteti i Francës nuk do të lejonte që aeroplanët që shkonin në Izrael, të ngarkuar me furnizime ushtarake, të fluturonin mbi territorin francez. Franca ka qenë shumë e padobishme në lidhje me "Kasapin e Iranit", i cili është eliminuar me sukses! SHBA-të do ta mbajnë mend!!!”, thuhet në reagim./CNA
 





Lajmet e fundit nga