web counter
LEXO PA REKLAMA!

SHKARKO APP

App Store
Google Play

Mbi 700 bimë kanabis/ Shqiptari kapet në plantacionin plot me drogë

9 Prill 2024, 19:22, Kosova & Bota CNA
Mbi 700 bimë kanabis/ Shqiptari kapet në plantacionin plot me
Plantacion kanabisi

Ditën e sotme, forcat e “Guardia Di Finanza” në Firence të Italisë kanë zbuluar  një plantacion I madh marihuana, në Sesto.

Në pranga ka përfunduar një burrë me origjinë shqiptare, cili kishte shndërruar një magazinë industriale në një fabrikë të vërtetë droge, me mbi 700 bimë kanabisi dhe një sistem kompleks të menaxhimit të serave dhe ujitjes.

Zbulimi është bërë nga ushtarët e komandës provinciale të policisë financiare të Firences, në Sesto Fiorentino.

Gjithashtu, raportohet për një drejtues të dytë, një shtetas italian. Ajo që i bëri efektivët e Policisë italiane të dyshonin ishte era tipike e kanabisit, që vinte nga një magazinë në zonën industriale të Firences. 

Pas aksioneve, aktiviteteve vëzhguese dhe zbulimit të territorit, Policia ka vënë nën kontroll një të ri me origjinë shqiptare, teksa ndodhej në furgonin e tij.

Gjatë kontrollit të fabrikës, u zbulua një fabrikë prodhimi droge e përbërë nga makineri të shumta që përdoreshin për kultivimin, vaditjen, ndriçimin, lagështimin, tharjen dhe paketimin e marijuanës.

Gjithashtu, u sekuestrua një plantacion i përbërë nga 729 bimë kanabisi të rritura në vazo të posaçme të pozicionuara brenda tre serave dhe 53.3 kg. e së njëjtës lëndë narkotike, tashmë e paketuar në mbështjellës celofani dhe gati për shitje.

Vetëm tregtimi i lëndës narkotike gati për shitje do të sillte të ardhura prej rreth 200 mijë euro.

Shtetasi shqiptar i arrestuari është transportuar  në Sollicciano, dhe është vënë në dispozicion të Autoritetit Gjyqësor. / CNA





Lajmet e fundit nga