web counter
LEXO PA REKLAMA!

SHKARKO APP

App Store
Google Play

Lëkundje sizmike në Greqinë Veriore/ Tërmet 5.3 Rihter pranë Selanikut

7 Qershor 2025, 18:49, Kosova & Bota CNA

Lëkundje sizmike në Greqinë Veriore/ Tërmet 5.3 Rihter

Një seri lëkundjesh pasuese pasuan tërmetin 5.3 Rihter pranë Malit Athos, afër Selanikut, i cili ndodhi pak para orës katër të pasdites dhe u ndje veçanërisht në Greqinë Veriore, duke shkaktuar dëme materiale.

Sipas sizmologëve, ky nuk është një fenomen që e kemi parë për herë të parë.

Vitin e kaluar, për rreth 20 muaj, aktiviteti sizmik kishte filluar në zonën detare të Malit Athos, arriti kulmin vitin e kaluar në maj, qershor dhe korrik dhe të gjithë menduan se ishte ulur. Megjithatë, është rikthyer dukshëm më rëndë dhe aktualisht po analizohen të dhënat, u tha në median greke ERT.

"Po e studiojmë fenomenin që nga fillimi dhe me shumë kujdes, sepse është një aktivitet sizmik i çuditshëm, me një evolucion edhe më të çuditshëm sepse menduam se shtatorin e kaluar ky proces kishte mbaruar dhe po kthehet me magnituda që janë shumë më të mëdha se vitin e kaluar. Dridhja sizmike është e çuditshme sepse e shohim të kthehet pas një periudhe të gjatë pasiviteti",-theksoi sizmiologu Efthimios Lekkas.

Ai vuri në dukje gjithashtu se duhet të bëhet një vlerësim i dimensioneve të çarjes, e cila ndodhet në hapësirën nënujore, për të parë saktësisht se çfarë lloj tërmeti mund të shkaktojë./CNA





Lajmet e fundit nga