web counter
LEXO PA REKLAMA!

SHKARKO APP

App Store
Google Play

E fundit!

x

Kurti anulon pjesëmarrjen në forumin e sigurisë në Bratislavë

30 Maj 2023, 14:06, Kosova & Bota CNA

Kurti anulon pjesëmarrjen në forumin e sigurisë në

Kryeministri i Kosovës, Albin Kurti, bëhet me dije se nuk do të jetë prezent në Forumin Global për Politikë të Jashtme, Siguri, Çështje Evropiane dhe Ekonomi në Bratislavë.

Shkaku për anulimin e pjesëmarrjes së kryeministrit Kurti në këtë forum është situata në veri të vendit. 

Kurti nuk do të jetë pjesë e forumit GLOBSEC 2023 as në konferencën online, pavarësisht se në itinerarin e këtij takimi kryeministri ishtë caktuar si folës në një panel së bashku me ish-presidentin e Malit të Zi Milo Gjukanoviç, ish-kryeministrin e Bullgarisë Kirill Petkov.

Ndërkohë në këtë forum do të mbajë fjalim edhe i dërguar special i BE-së për dialogun ndërmjet Beogradit dhe Prishtinës, Miroslav Lajçak.

Vijon të ngelet e tensionuar situata në veri të Kosovës. Trupa të NATO-s janë duke siguruar ndërtesën komunale në Zveçan, ku një ditë më parë 30 ushtarë të NATO-s dhe mbi 50 protestues serbë u plagosën në përleshje.

Ndërkohë ushtarë të KFOR-it gjenden edhe përreth objekteve komunale në Zubin Potok dhe Leposaviç.

Në të tria këto komuna me shumicë serbe, protestat kundër kryetarëve shqiptarë janë duke vazhduar edhe sot, ndonëse me një numër më të vogël të të tubuarve.

 

 





Lajmet e fundit nga