web counter
LEXO PA REKLAMA!

SHKARKO APP

App Store
Google Play

Konflikti në Lindjen e Mesme kërcënon furnizimet humanitare në mbarë botën

11 Mars 2026, 17:40, Kosova & Bota CNA

Konflikti në Lindjen e Mesme kërcënon furnizimet humanitare

Konflikti në Lindjen e Mesme po kërcënon zinxhirët e furnizimit dhe po shkakton problematika në operacionet humanitare në të gjithë botën. Kështu ka paralajmëruar shefi i çështjeve humanitare të Kombeve të Bashkuara, Tom Fletcher.

Ai tha sot se ndërprerjet në Ngushticën e Hormuzit mund të ndikojnë drejtpërdrejt në furnizimet humanitare në Afrikën Subsahariane.

“Jam vërtet i shqetësuar për kostot e ushqimit, kostot e energjisë, kostot e plehrave. Jam i shqetësuar se përshkallëzimi i mëtejshëm do të dëmtojë rrugët e tjera të furnizimit. E gjithë kjo ka një ndikim të drejtpërdrejtë në furnizimet tona humanitare, duke përfshirë edhe dërgimin në zonat me nevoja kyçe në Afrikën Subsahariane. Por në një kuptim më të gjerë, kjo rrit çmimet dhe kështu i shtyn më shumë njerëz drejt një nevoje më të madhe", tha ai në një konferencë për shtyp.

OKB-ja u bëri thirrje të gjitha palëve të përfshira që të sigurojnë rrugë për të lejuar përjashtime për kalimin e ndihmës humanitare. /CNA

 





Lajmet e fundit nga