web counter
LEXO PA REKLAMA!

SHKARKO APP

App Store
Google Play

“Kjo dhemb”, Pacolli: Kosova e qytetarët po i paguajnë çdo ditë vendimet e gabuara të qeverisë

11 Gusht 2023, 16:54, Kosova & Bota CNA
“Kjo dhemb”, Pacolli: Kosova e qytetarët po i paguajnë
Behgjet Pacolli

Lideri i Aleancës Kosova e Re (AKR), Behgjet Pacolli, ka kritikuar vendimet e Qeverisë së Kosovës pas tensioneve në veri të vendit.

Pacolli në një postim në rrjetet sociale shkruan se Kosova dhe qytetarët e saj po paguajnë çdo ditë për vendimet e "gabuara" të kësaj qeverie.

Ai ka marrë në shqyrtim disa çështje përmes të cilave tregon se si vendimet e qeverisë së Kosovës kanë qenë në disfavor të qytetarëve të saj.

Lideri i AKR thotë se me reciprocitetin për targat u legalizuan targat ilegale, me dërgimin e policisë special u dasht t'i tërhiqnim ata, madje u kushtëzuam me largimin e kriminelëve dhe barrikadave nga rruga.

Sipas tij me aplikimin e gjobave për targa, serbët tërhiqen nga institucionet dhe kthimin e tyre e kushtëzojnë me themelimin e Asociacionit.

Ai citon dhe një frazë që thotë se e ka lexuar në një  portal ndërkombëtar ku shkruhej: "Serbia nuk ka nevojë të bëjë asgjë në Kosovë, çka i duhet asaj e bënë zotni Kurti".

“Kjo dhemb, por kështu është realiteti fatkeqësishte!”, thotë Pacolli./CNA





Lajmet e fundit nga