web counter
LEXO PA REKLAMA!

SHKARKO APP

App Store
Google Play

Instituti i Shëndetësisë së Kosovës: Nuk ka raste me virusin e Nilit Perëndimor

25 Korrik 2024, 15:04, Kosova & Bota CNA
Instituti i Shëndetësisë së Kosovës: Nuk ka raste me
Fotografi ilustruese

Instituti Kombëtar i Shëndetësisë Publike të Kosovës (IKSHPK) u ka bërë thirrje qytetarëve që të kenë kujdes nga pickimi i mushkonjave, pasi ato të infektuarat mund të përhapin virusin e Nilit Perëndimor.

Ky institucion ka thënë se në Kosovë nuk ka ende raste të infektimit, mirëpo ai veçse është përhapur në disa vende evropiane, përfshirë Spanjën, Italinë dhe Greqinë.

Më 23 korrik është regjistruar rasti i parë i infektimit në Serbi - një burrë 80 vjeç.

Në mesin e simptomave të infektimit janë kokëdhimbja, temperatura, dhimbjet e muskujve dhe lodhja e konsiderueshme.

Virusi i Nilit Perëndimor shkakton sëmundje sezonale në muajt e verës.

Mushkonjat infektohen kur ushqehen me shpezë të infektuar dhe kështu e përhapin virusin, përmes pickimit.

Ekspertët sugjerojnë që disa prej mënyrave për t’u mbrojtur nga infektimi janë: veshja e rrobave më mëngë të gjata dhe ngjyra të hapura, që të mos dilet në ambiente të hapura gjatë periudhës kur mushkonjat janë më së shumti aktive – në muzg dhe në agim - si dhe të përdoren rrjeta nëpër ambiente të hapura të shtëpive./ REL





Lajmet e fundit nga