web counter
LEXO PA REKLAMA!

SHKARKO APP

App Store
Google Play

Pas tërheqjes, Biden do t’i drejtohet kombit për herë të parë

23 Korrik 2024, 19:07, Kosova & Bota CNA
Pas tërheqjes, Biden do t’i drejtohet kombit për herë
Presidenti amerikan, Joe Biden

Presidenti amerikan, Joe Biden, të mërkurën do t’i adresohet popullit amerikan, për herë të parë që kur u tërhoq nga gara për rizgjedhje, më 21 korrik.

Pas tërheqjes nga gara për zgjedhjet presidenciale të nëntorit, Biden ofroi mbështetjen për zëvendësen e tij, Kamala Harris, që të sigurojë nominimin e Partisë Demokratike për zgjedhjet presidenciale.

Biden shkroi në X – që më herët njihej si Twitter – se gjatë fjalimit nga Zyra Ovale do të flasë se “çfarë na pret dhe si unë do ta kryej punën për popullin amerikan”.

Fjalimi i tij është caktuar për të mërkurën në orën 20:00, sipas kohës lokale.

Biden ka qenë larg syrit të publiku që disa ditë, pasi ai po shërohet nga infeksioni me koronavirus në shtëpinë e tij në Dellauer.

Ai nuk ka folur për mediat që nga vendimi i tij të dielën, kur u tërhoq nga gara presidenciale, pasi për disa javë u përball me thirrje nga figura të larta të partisë së tij dhe donatorët që të tërhiqej.

Pas vendimit të Bidenit, demokratët kanë ofruar mbështetjen e tyre për Harrisin./ CNA

 





Lajmet e fundit nga