web counter
LEXO PA REKLAMA!

SHKARKO APP

App Store
Google Play

E fundit!

x

Incident në aeroportin e Shkupit/ Punonjësi i sigurisë tenton t’i marrë telefonin Vjosa Osmanit

1 Gusht 2024, 21:29, Kosova & Bota CNA
Incident në aeroportin e Shkupit/ Punonjësi i sigurisë tenton
Presidentja e Kosovës, Vjosa Osmani

Një incident është regjistruar me Presidenten e Kosovës, Vjosa Osmani, në Aeroportin Ndërkombëtar të Shkupit.

Raportohet se sigurimi i këtij aerporti ka tentuar të marrë telefonin personal të Presidentes.

Bekim Kupina, Këshilltari për Media në Presidencë ka treguar se Osmani ka kundërshtuar këtë veprim, por është shtyrë nga punonjësi i aeroportit.

“Ne kundërshtim me praktikat ndërkombëtare dhe Konventën e Vjenës për Marrëdhënie Diplomatike, sigurimi i Aeroportit të Shkupit ka tentuar ta marrë telefonin personal të Presidentes. Presidentja nuk ka lejuar një gjë të tillë, sepse do të ishte shkelje e rëndë. Përkundër shpjegimit të rregullave qe ekipi i Presidentes ia ka bërë të ditur zyrtarit të aeroportit, ai ka tentuar fizikisht ta shtyjë Presidenten me ç’rast është detyruar që të reagojë Policia e Kosovës për ta hapur rrugën”, tha Kupina për mediat në Kosovë.

Ai theksoi se pavarësisht se Osmani e ka vënë në dijeni për shkeljen e ligjit, punonnjësi i ka marrë çantën personale.

“Kjo sjellje e zyrtarit maqedonas të aeroportit është në kundërshtim me çdo praktikë ndërkombëtare, sipas të cilave kur krerët e shtetit udhëtojnë, ata mbrohen me privilegje e imunitete diplomatike. Në kundërshtim me këto rregulla, pala maqedonase ka marrë çantën personale të dorës së presidentes. Edhe pse kjo ishte kundër rregullave, ekipi i Presidentes e ka lejuar në mënyrë që Presidentja të hyjë në aeroport, konkretisht në sallën VIP, e cila ishte rezervuar me notë verbale të Ambasadës sonë, siç është praktika për udhëtimet e krerëve të shtetit. Mirëpo, për arsye të sigurisë, në asnjë mënyrë nuk është lejuar që të dorëzohet telefoni personal”, nënvizoi Kupina.

Lidhur me këtë incident ka reaguar edhe Ministria e Punëve të Brendshme e Maqedonisë së Veriut.

“Rreth orës 10:00 në Aeroportin Ndërkombëtar të Shkupit, teksa presidentja Osmani po kalonte kontrollin kufitar, në momentin kur asaj iu kërkua që telefonin ta kalonte përmes skanerit, një person nga sigurimi i saj është larguar nga punonjësja e TAV-së, me qëllim që ajo të kalonte pa telefon të skanuar dhe bagazh dore.

Por më pas bagazhi u kthye dhe kaloi përmes një skaneri. Pas gjysmë ore erdhi një person nga sigurimi i kryetarit të Kuvendit Gashi (polic) me dy persona të tjerë (polic) dhe filluan të kërcënojnë punëtorët e TAV-së dhe të pyesin se kush i ka shkaktuar problem presidentes. Në të njëjtën kohë ka shtyrë edhe një punonjës policie që punonte në pikën kufitare”, thuhet në deklaratë.

Më tej, MPB-ja maqedonase tha se menjëherë pas kësaj është njoftuar Departamenti për Kontroll të Brendshëm, Hetime Kriminale dhe Standarde Profesionale dhe se po merren masa për zbardhjen e rastit./ CNA





Lajmet e fundit nga