web counter
LEXO PA REKLAMA!

SHKARKO APP

App Store
Google Play

E fundit!

x

Tërmeti në Turqi/ Erdogan: Do të shemben 214,000 ndërtesa të dëmtuara

4 Mars 2023, 13:01, Kosova & Bota CNA

Tërmeti në Turqi/ Erdogan: Do të shemben 214,000 ndërtesa

Presidenti turk Rexhep Taip Erdogan ka zhvilluar një takim të quajtur Mburoja Kombëtare e Rrezikut të Turqisë, ku ka njoftuar se rreth 214 mijë ndërtesa të dëmtuara do të shemben në zonat e katastrofave në Turqi.

Ai theksoi se tërmetet shkatërruese ndikuan drejtpërdrejt në jetën e rreth 14 milionë njerëzve dhe 3.5 milionë njerëzve iu desh të emigronin në pjesë të tjera të vendit. 

Lideri turk gjithashtu u shpreh se kur planifikohet zhvillimi i qyteteve të shkatërruara pas tërmeteve më të mëdha, përparësi do t'u jepet zonave në malësi dhe jo në ultësira. Restaurimi i vendbanimeve dhe hapat për të luftuar fatkeqësitë do të marrin parasysh ruajtjen e pamjes historike dhe kulturore të qyteteve, shkruajnë mediat e huaja.

“Të gjitha strukturat shtetërore të vendit janë të përfshira në eliminimin e pasojave të fatkeqësisë. Numri i banesave që do të ndërtohen në qytete dhe fshatra në zonat e fatkeqësive do të përcaktohet pas përfundimit të vlerësimit të dëmeve. Shtëpitë në zonën e fatkeqësisë do të ndërtohen brenda një viti përmes Administratës së Zhvillimit të Strehimit të Türkiye (TOKI). Ndërtesat nuk do të kalojnë disa kate dhe apartamentet do të jenë katërdhomëshe”, tha presidenti./CNA.al





Lajmet e fundit nga