web counter
LEXO PA REKLAMA!

SHKARKO APP

App Store
Google Play

E fundit!

x

Gruaja u qëllua nga ish-bashkëshorti/ Osmani: Apeloj për veprim, femicidi po gërryen shoqërinë

25 Nëntor 2025, 19:47, Kosova & Bota CNA

Gruaja u qëllua nga ish-bashkëshorti/ Osmani: Apeloj për veprim,

Presidentja e Kosovës Vjosa Osmani ka reaguar në lidhje me ngjarjen e rëndë që u shënua dje në Lipjan.

Një grua u qëllua me sëpatë nga ish-bashkëshorti ngjarje që tronditi opinionin publik.

Osmani shkruan se femicide vijon të jetë një plagë e hapur që po gërryen themelet e shoqërisë.

Në Ditën Ndërkombëtare për Eliminimin e Dhunës ndaj Grave Osmani ka apeluar institucionet për veprim.

 

"Femicidi vazhdon të jetë një plagë e hapur. Jo thjesht një problem. Jo një statistikë. Por, një krizë kombëtare që po gërryen themelet e shoqërisë sonë, ditë pas dite.

Ajo që ndodhi në Gadime të Ulët nuk është thjesht “një rast tjetër”. Një grua, edhe pse e mbrojtur me urdhër aktiv, u sulmua barbarisht me sëpatë nga ish-bashkëshorti i saj. Kur një urdhër mbrojtjeje mbetet letër, atëherë rreziku bëhet realitet. Dhe realiteti na vret.

Numri i rasteve të dhunës ndaj grave dhe dhunës në familje po na e thotë troç: letrat nuk shpëtojnë jetë. Zbatimi, vendosmëria, reagimi pa vonesë - po!

Sepse pas çdo shifre fshihet një jetë e thyer, një fëmijë i traumatizuar, një histori që nuk duhet të përsëritet kurrë më.

Në Ditën Ndërkombëtare për Eliminimin e Dhunës ndaj Grave, apeloj për VEPRIM.

Me përgjegjësi. Me kujdes. Pa asnjë tolerim.

Ashtu siç e kërkon ligji. Ashtu siç e meriton çdo grua dhe vajzë në Republikën e Kosovës.

Çdo hap i gabuar, çdo neglizhencë, çdo vonesë mund të jetë fatale.

Askush që ushtron dhunë nuk duhet të ndihet i paprekshëm.

Asnjë grua nuk duhet të mbetet e pambrojtur.

Nuk ka kompromis kur bëhet fjalë për jetën dhe dinjitetin e grave", shkruan Osmani./CNA

 

 





Lajmet e fundit nga