web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi në Hagë/ Rubin: Thaçi nuk më tregonte se çfarë duhet të bënte dhe pse i bënte

16 Shtator 2025, 15:51, Kosova & Bota CNA

Gjyqi në Hagë/ Rubin: Thaçi nuk më tregonte se

Ish-ndihmëssekretari amerikan i Shtetit, James Rubin, në vijim të dëshmisë së tij në Gjykatën Speciale në Hagë, është pyetur edhe për marrëdhënien e Hashim Thaçit me Adem Demaçin.

Rubin tha se Thaçi nuk tregonte se çfarë veprime duhet të bënte apo arsyen e tyre.

Më tej, Rubin ka thënë se ka nënkuptuar që Demaçi ishte shumë i rëndësishëm për Thaçin, nga mënyra se si ky i fundit fliste për të.

“Thaçi nuk më tregonte se çfarë duhet të bënte dhe pse i bënte. Por ishte e qartë se kishte eprorë diku. Ishte shumë i vagullt në gjuhën që përdorte. Unë nënkuptova që ishte shumë i rëndësishëm Demaçi sepse e dija çfarë qëndrimi kishte Demaçi, i cili kishte folur me Albright. Dihej që ishte kundër Rambujesë.

Thaçi fliste në një mënyrë që tregonte respekt të jashtëzakonshëm për Demaçin.

Jemi takuar në Rambuje me delegacionin zyrtar të shqiptarëve të Kosovës, që do të nënshkruanin. Albright vendosi ta thërriste Demaçin në fund të bisedimeve duke menduar se do ta ndihmonte kauzën.

Për zotin Thaçi fliste shumë keq njëri prej negociuesve”, tha Rubin./CNA





Lajmet e fundit nga