web counter
LEXO PA REKLAMA!

SHKARKO APP

App Store
Google Play

Gjermani/ Hyn në fuqi faza e dytë e ligjit për punëtorët e kualifikuar

2 Mars 2024, 14:14, Kosova & Bota CNA
Gjermani/ Hyn në fuqi faza e dytë e ligjit për
Foto ilustruese

Faza e dytë e Ligjit për Imigrimin e Punëtorëve të Aftësuar në Gjermani ka hyrë në fuqi më 1 mars 2024, duke hapur rrugën për shumë punëtorë të huaj të aftë të vendosen në vend dhe të punojnë në fushën e tyre. 

Ndërsa faza e parë u prezantua në nëntor 2023 dhe përfshinte kryesisht lehtësimin për “Kartën Blu të BE-së” dhe për punëtorët e kualifikuar të njohur, faza e re sjell ndryshime të shumta, duke përfshirë mundësinë e ardhjes në Gjermani për punë për të huajt me dy vite përvojë pune, përvojë profesionale dhe një diplomë profesionale ose universitare.

Faza e tretë e ligjit do të hyjë në fuqi muaj më vonë këtë vit, më 1 qershor 2024 dhe ndër të tjera do të prezantojë kartën e mundësive të kërkimit të punës, raporton SchengenVisaInfo.com.

Në nëntor të vitit të kaluar, Reuters kishte raportuar se 1.8 milionë vende pune mbeten të paplotësuara në ekonominë gjermane në tërësi. Ndërsa një analizë e bërë nga Instituti Ekonomik Gjerman ka parashikuar se mungesa e punëtorëve të kualifikuar vetëm në industrinë e energjisë së rinovueshme do të arrijë në 300,000 deri në vitin 2030./CNA 





Lajmet e fundit nga