web counter
LEXO PA REKLAMA!

SHKARKO APP

App Store
Google Play

Gabim mjekësor në Itali/ 2-vjeçari ndërron jetë pasi i transplantuan një zemër të dëmtuar

21 Shkurt 2026, 16:20, Kosova & Bota CNA

Gabim mjekësor në Itali/ 2-vjeçari ndërron jetë pasi

Një djalë dy vjeçar ka ndërruar jetë sot në Napoli të Italisë, pasi i ishte transplantuar një zemër e dëmtuar.

Përpjekjet e bëra ditët e fundit për të zëvendësuar zemrën problematike dështuan për shkak të gjendjes kritike të të gjitha organeve jetësore të fëmijës.

Para dy muajsh, fëmija i  ishte nënshtruar një transplantimi të zemrës, por sipas hetimeve fillestare të prokurorisë, kishte ndodhur një gabim tragjik: zemra që duhej transplanuar u transportua nga Bolzano në Veri të Italisë deri në Napoli brenda një kutie me akull të thatë.

Kur ekipi mjekësor mbërriti në sallën e operacionit, mishi i zemrës ishte shndërruar “në një copë akulli”.

Megjithatë, mjekët vendosën të mos anulonin transplantimin, pasi kishin hequr tashmë zemrën e vogëlushit pacient.

Gabimi mjekësor u zbulua pas investigimeve gazetareske dhe spitali u detyrua të pranojë përgjegjësinë e tij./CNA

 





Lajmet e fundit nga