web counter
LEXO PA REKLAMA!

SHKARKO APP

App Store
Google Play

"Çështje shumë komplekse"/ Trump: Do të urdhëroj publikimin e dosjeve qeveritare mbi alienët dhe UFO-t

20 Shkurt 2026, 07:42, Kosova & Bota CNA

"Çështje shumë komplekse"/ Trump: Do të

Presidenti i SHBA-së, Donald Trump, ka njoftuar të enjten se do t'u urdhërojë departamenteve dhe agjencive të qeverisë federale të gjejnë dhe publikojnë dosjet mbi alienët  dhe objektet fluturuese të paidentifikuara (UFO), diçka që ai thotë se disa amerikanë e kanë kërkuar për dekada të tëra.

Trump e njoftoi vendimin përmes një postimi në platformën “Truth Social”, ndërsa i cilësoi këto ccështje si shumë komplekse dhe të rëndësishme.

“Bazuar në interesin e jashtëzakonshëm të treguar, unë do t'i udhëzoj Sekretarit të Luftës dhe Departamenteve dhe Agjencive të tjera përkatëse që të fillojnë procesin e identifikimit dhe publikimit të dosjeve qeveritare që lidhen me jetën aliene dhe jashtëtokësore, fenomenet ajrore të paidentifikuara (UAP) dhe objektet fluturuese të paidentifikuara (UFO), si dhe çdo informacion tjetër që lidhet me këto çështje shumë komplekse, por jashtëzakonisht interesante dhe të rëndësishme. ZOTI E BEKOFTE AMERIKËN!”, thuhet në postimin e Trump.

Më parë, republikani kishte akuzuar paraardhësin e tij demokrat Barack Obama  për zbulimin e informacionit të klasifikuar kur tha gjatë një podkasti se alienët ekzistojnë vërtet.

"Nuk e di nëse (alienët) janë të vërtetë apo jo, megjithatë, ish-presidenti demokrat bëri një gabim të madh", tha Trump, i cili shpeshherë e ka kritikuar Obamën.

Në fund të podkastit që u transmetua gjatë fundjavës, Barack Obama iu përgjigj një pyetjeje në lidhje me ekzistencën e alienëve: "Ata ekzistojnë vërtet, por unë nuk i kam parë."

Ai shtoi se, për aq sa di ai, nuk ka asnjë objekt nëntokësor i përdorur për të fshehur ekzistencën e tyre, ndërsa raportohet se ai po i referohej Zonës 51, bazës së Forcave Ajrore Amerikane në Nevada, subjekt i teorive të pafundme konspirative. /CNA





Lajmet e fundit nga