web counter
LEXO PA REKLAMA!

SHKARKO APP

App Store
Google Play

FOTO-VIDEO/ Peja nën ujë, viktima dhe dëme materiale

25 Qershor 2023, 11:29, Kosova & Bota CNA

FOTO-VIDEO/ Peja nën ujë, viktima dhe dëme materiale

Moti i keq i ditëve të fundit ka përfshirë pothuajse gjithë vendin. Në Juglindje, në disa fshatra të saj ka pasur reshje shiu intensive dhe breshër, duke shkaktuar dhe përmbytje.

Po ashtu edhe në Kosovë, përkatësisht në Pejë ka pasur reshje shiu intensive, përmbytje, të cilat kanë shkaktuar shumë dëme material por edhe humbje jetësh.

Policia e Kosovës ka njoftuar se është shënuar viktima e dytë si pasojë e vërshimeve në qytetin e Pejës. Bëhet fjalë për një të mitur dhe nënën e tij.

Përmes një komunikate për media, Policia njofton se pas kërkimeve është gjetur pa shenja jete edhe nëna e fëmijës 5-vjeçar që humbi jetën në lagjen ‘Asllan Qeshme’.

“Drejtoria Rajonale e Policisë Pej?, njofton se me dat?24.06.2023 si pasoj? e vërshimeve n? qytetin e Pej?s, n? lagjen “Asllan qeshme” nj? f?mij? ka humbur jetën ndërsa nëna e tij ?sht? e zhdukur. Pas kërkimeve nga njësitet Policore rreth or? 01:20, t? datës 25.06.2023, ?sht? gjetur personi i zhdukur femër , vdekjen e viktimës e ka konstatuar ekipi mjekësor”, thuhet në komunikatë.

Drejtori mjekësor në Spitalin e Pejës, Besnik Ibraj, ka konfirmuar për median lokale “Peja në Fokus” se fëmija që u gjet i vdekur është i moshës rreth 5-vjeçare.

“Konfirmojmë se një fëmijë rreth moshës 5-vjecare ka vdekur. Dy të lënduar janë në intensivë”, ka thënë ai.

Lidhur me rastin, Telegrafi ka kontaktuar me zëdhënësin e Komunës së Pejës, Faik Zekaj, por i njëjti ka deklaruar se nuk kanë informacion zyrtar.

“Nuk kemi informacion zyrtar, por policia dhe drejtori i Emergjencave janë duke shkuar në vendin e ngjarjes”, ka thënë shkurt Zekaj.

 

 





Lajmet e fundit nga