web counter
LEXO PA REKLAMA!

SHKARKO APP

App Store
Google Play

E fundit!

x

Sulmet iraniane ndaj bazave të SHBA-së/ Zelensky akuza Rusisë: Ka ndihmuar Iranin me dronë

14 Mars 2026, 21:20, Kosova & Bota CNA

Sulmet iraniane ndaj bazave të SHBA-së/ Zelensky akuza Rusisë: Ka

Presidenti i Ukrainës, Volodymyr Zelensky, është shprehur se Rusia ka furnizuar Iranin me dronë të cilët janë përdorur për të sulmuar bazat ushtarake amerikane në rajonin e Lindjes së Mesme.

Në një intervistë për CNN, Zelensky u shpreh se ka fakte të sigurta nga inteligjenca ukrainase në Lindjen e Mesme, se Moska është duke mbështetur me dronë luftarakë Teheranin, që ajo të vijojë hakmarrjen për vdekjen e liderit suprem Ajatollah Ali Khamenei.

“Si fillim Rusia, ka dhënë dronë tashmë, ata po i përdorin licensime iraniane, kanë prodhuar shumë dronë, i kanë “dhuruar” Kam fakte 100% të sigurta, që regjimi iranian ka përdorur kundër bazave amerikane, dhe kundër gjithë Lindjes së Mesme, ata i përdorën këto dronë. Ne kemi parë, inteligjenca ka ndarë me ne disa detaje, të cilat ishin detaje ruse në këta dronë Iranianë”, është shprehur presidenti ukrainas.

Këto dronë Shahed të projektuar nga Irani, por të prodhuar në masë nga Moska, për përdorim në Ukrainë, kanë qenë të suksesshëm në mënyrë të papritur në depërtimin e mbrojtjes ajrore të vendeve të Gjirit. Më parë u raportua se Rusia i ka ofruar Iranit informacione në lidhje me vendndodhjet dhe lëvizjet e trupave, anijeve dhe avionëve amerikanë.

Ndërkohë Irani ka lëshuar një paralajmërim kërcënues për Ukrainën, që do jetë në objekt të sulmeve të tyre, pasi sipas ministrisë iraniane, ato janë përfshirë në konfliktin e hapur duke dhënë ndihma për Izraelin. /CNA





Lajmet e fundit nga