LEXO PA REKLAMA!

SHKARKO APP

E konfirmon Kremlini/ Kim Jong Un rrugës për Rusi, takim me Putinin

11 Shtator 2023, 14:02, Kosova & Bota CNA

E konfirmon Kremlini/ Kim Jong Un rrugës për Rusi, takim me Putinin

Kremlini ka konfirmuar se udhëheqësi i Koresë së Veriut, Kim Jong Un, do të vizitojë Rusinë “në ditët në vijim”.

“Me ftesë të Presidentit të Federatës Ruse, Vladimir Putin, Kryetari i Çështjeve Shtetërore të Republikës Popullore Demokratike të Koresë, Kim Jong Un do të bëjë një vizitë zyrtare në Rusi në ditët në vijim”, tha Kremlini në një deklaratë të hënën.

Deklarata nuk specifikoi një datë të saktë për vizitën.

Media shtetërore e Koresë së Veriut, KCNA raportoi të hënën se Kim do të "takojë dhe të bisedojë" me Putinin gjatë vizitës.

Nuk thuhet se kur do të zhvillohet takimi mes Kim dhe Putinin. 

Më herët, "CNN" raportoi se Kim dukej se ishte në një tren që shkonte në Rusi, sipas një zyrtari të qeverisë së Koresë së Jugut. Burimi tha se treni që besohet se po transportonte Kim, u nis nga Pheniani dhe ishte rrugës për në Vladivostok, Rusi./ CNA

Lajmet e fundit nga