web counter
LEXO PA REKLAMA!

SHKARKO APP

App Store
Google Play

Dyshimet për dronë nga Serbia/ Policia e Kosovës: Po e monitorojmë situatën, jemi në kontakt me KFOR-in

26 Shtator 2025, 10:50, Kosova & Bota CNA

Dyshimet për dronë nga Serbia/ Policia e Kosovës: Po e

Drejtori i Policisë së Kosovës, Gazmend Hoxha, tha se dyshohet që ditët e fundit ka pasur fluturime të dronëve që vijnë nga Serbia në pjesën veriore të Kosovës.

Ai tha Policia e Kosovës është në komunikim të vazhdueshëm me KFOR-in dhe se po bëjnë monitorimin e situatës.


Hoxha tha se këto lëvizje mund të jenë të rrezikshme për pjesën e kufirit, por jo për qytetarët e Kosovës, sepse policia i mbron ata. Ai theksoi se për këtë çështje, përveç KFOR-it janë njoftuar edhe partnerët e tjerë ndërkombëtarë.

"Gjatë ditëve të fundit kemi pasur fluturime të dronëve që ne po dyshojmë se vijnë nga territori i Serbisë, në pjesën veriore të Kosovës. Policia është në kontakt me KFOR-in dhe jemi duke e bërë monitorimin se çfarë mund të bëhet. Është e rrezikshme për pjesën e kufirit, por për qytetarët tanë jo. Ne jemi duke i mbrojtur. Ndërsa hapësira ajrore është përgjegjësi e KFOR-it, ne e kemi njoftuar KFOR-in dhe partnerët tanë. KFOR-i është përgjegjësi e tyre dhe janë duke punuar në këtë drejtim", tha Hoxha.





Lajmet e fundit nga